श्रीलंकाका ओपनिङ ब्याट्सम्यान दानुष्का गुणतिलक प्रतिबन्धमा परेका छन् । 

उनी बसेको होटेलमा उनका साथीले नर्वेकी महिलालाई बलात्कार गरेको आरोप लागेपछि गुणतिलकमाथि पनि अनुसन्धान जारी छ । २७ वर्षीय गुणतिलक अनुसन्धानका क्रममा रहेकाले ६ खेलको प्रतिबन्ध लागेको श्रीलंका क्रिकेट बोर्डले जनाएको छ । 

उनका साथी सन्दीप जूड सेलिहासँगै नर्वेका दुई जना महिला उनीहरुको कोठामा गएका थिए । तर सन्दीपमाथि बलात्कारको आरोप लागेपछि गुणतिलकलाई अहिले ६ खेलको प्रतिबन्ध लागेको हो ।  श्रीलंका पुलिसका अनुसार गुणतिलकमाथि कुनै पनि आरोप छैन् ।

तर क्रिकेट बोर्डले टिम अनुशासन तोडेको भन्दै कारबाही गरेको हो । घटना श्रीलंकाले दक्षिण अफ्रिकाविरुद्धको टेस्ट जितेपछि भए पनि हालै मात्र सार्वजनिक भएको हो ।

खेलाडी आचारसंहिता अनुसार खेलका दौरान खेलाडीहरु होटेलमा बस्दा आफ्नो कोठामा कसैलाई पनि लैजान पाइँदैन । त्यही निमय गुणथिलले उल्लंघन गरेका हुन्  । अब गुणतिलक अफ्रिका विरुद्धको पाँच एकदिवसीय र टी ट्वान्टी खेल्न पाउने छैनन् ।