इंग्लिस क्लब लिभरपुलका प्रशिक्षक जुर्गेन क्लोपले च्याम्पियन्स लिगको फाइनलमा सर्जियो रामोसले मोहम्मद सलाहमाथि गरेको फाउल कुनै रेस्लिङ खेलाडीको भन्दा कम नभएको बताएका छन् ।

गएको मे महिनामा भएको च्याम्पियन्स लिगको फाइनलमा लिभरपुल रियल मड्रिडसँग पराजित भएको थियो ।

लिभरपुलका मुख्य खेलाडी मानिएका सलाहलाई रियलका डिफेन्डर रामोसले फाउल गरेर घाइते बनाएका थिए । जसका कारण उनले पूरै खेल खेल्न मात्र सकेनन्, विश्वकपको पहिलो खेलसम्म मैदानबाहिर बसेका थिए ।

च्याम्पियन्स लिग फाइनलको दुई महिनापछि बोल्दै क्लोपले रामोसको त्यो व्यवहार कुनै रेस्लरको भन्दा कम नभएको र निकै खराब रहेको बताए ।

६३ दिनपछि मुख खोलेका क्लोपले रामोसले त्यो खेलमा देखाएको व्यवहार निकै खराब रहेको र व्यक्तिगत रुपमा पनि रामोस प्रतिको धारणा नकारात्मक रहेको बताए । साथै उनले सलाह फेरि एकपटक प्रिमियर लिगमा उत्कृष्ट खेल्ने पनि बताए ।