थर्मोगन नहुँदा जुम्लाका स्वास्थ्यकर्मीले जोखिम मोलेर ज्वरो नाप्दै छन्

चैत २१, २०७६ शुक्रबार १५:४९:२२ | नेत्र शाही

खलङ्गा –कोरोना रोगथामको लागि प्रयोग गरिने इन्फ्ररेड थर्मोमिटर नहुँदा जुम्लामा समस्या भएको छ । इन्फ्ररेड थर्मोमिटर नहुँदा स्वास्थ्यकर्मीहरु अहिलेसम्म जोखिम मोलेर साधारण थर्मोमिटरले ज्वरो नाप्न बाध्य भएका छन् ।

इन्फ्ररेड थर्मोमिटर कुर्दाकुर्दा ‘लकडाउन’को ११ दिन बितिसक्यो तर आफूहरुले अझै थर्मोमिटर नपाएको जुम्लाका स्वास्थ्यकर्मीहरुको गुनासो छ ।
थर्मोमिटर नहुँदा क्वरेण्टीन र हेल्थ डेक्समा काम गर्ने स्वास्थ्यकर्मीहरुले समेत समस्या भोगिरहेका छन् ।

पातारासी गाउँपालिकाका स्वास्थ्य संयोजक रतनबहादुर बुढ्थापाले हालसम्म भारतबाट आएका ३८ जना र नेपालकै विभिन्न सहरबाट आएका दुई सयभन्दा बढी मानिसको स्वास्थ्य जाँच गरेको बताउनुभयो ।

‘इन्फ्ररेड थर्मोमिटर नहुँदा डर लागिरहेको छ । सरकारले सबै सुविधा दियो । तर थर्मोमिटर र पीपीई नहुँदा समस्या भएको छ,’ बुढ्थापाले भन्नुभयो । पातारासी गाउँपालिका अध्यक्ष लक्षिमन बोहराका अनुसार गाउँपालिकाले आफ्नै लगानीमा पीपीई ल्याउन लागेको बताउनुभयो ।

उहाँले थर्मोस्क्यान नहुँदा सामान्य थर्मोमिटरले जाँच गर्ने र स्प्रिट तथा सेनिटाइजरको प्रयोग गरेर फेरि प्रयोग गर्ने गरिएको बताउनुभयो । त्यसैगरी स्वास्थ्य कार्यालय जुम्लाका प्रमुख कृष्ण सापकोटाले धेरै प्रयास गरेपनि ईन्फ्ररेड थर्मोमिटर नपाइएको जानकारी दिनुभयो ।

उहाँका अनुसार जिल्लामा जम्मा दुईवटा थर्मोमिटर आएकोमा एउटा नाग्मा हेल्थ डेक्स र अर्को गुठिचौर हेल्थ डेक्सलाई उपलब्ध गराइएको छ ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्