कोभिड-१९ : आईपीएल नहुने सम्भावना बढ्यो

चैत २८, २०७६ शुक्रबार १७:१४:४ | उज्यालो सहकर्मी

कोरोना भाइरसका कारण इन्डियन प्रिमियर लिग क्रिकेट आईपीएल नहुने सम्भावना बढ्दै गएको छ ।

मार्च २९ देखि सुरु हुनुपर्ने प्रतियोगिता पहिलो चरणमा १५ अप्रिलसम्म स्थगित भएको थियो । तर भारतमा पनि लकडाउन जारी रहेकाले यो प्रतियोगिता १५ अप्रिलमा पनि सुरु हुने सम्भावना निकै कम हुँदै गएको छ ।

भारतले १४ अप्रिलसम्म देशमा लकडाउन गरेको छ । त्यसपछि पनि भारतमा लकडाउन बढाउने तयारी गरिएका खबरहरु पनि सार्वजनिक भएका छन् । आईपीएलका पूर्व अध्यक्ष राजीव शुक्लाले प्रतियोगिता शुरुहुनेमा आशंका व्यक्त गरेका छन् ।

उनले भने, ‘अहिलेको अवस्थामा प्रतियोगिता हुनेमा शंका नै छ, अहिले प्रतियोगिता भन्दा पनि कोरोना भाइरसविरुद्धको लडाई प्राथमिकतामा पर्छ ।’

यदि भइहाल्यो भने पनि विदेशी खेलाडीहरुको भिसाका कारण पनि उनीहरुको सहभागितामा अप्ठेरो पर्ने छ । भारत सरकारले विदेशी नागरिकलाई भारत प्रवेशका लागि दिँने भिसा अझै केही समय रोक्ने तयारी गरेको खबर पनि सार्वजनिक भएको छ ।

यो पनि पढ्नुहोस्

विदेशमा कार्यरत श्रमिकका लागि नेपाल सरकार र सम्बन्धित देशका सरकारले जारी गरेका महत्वपूर्ण सूचना र जानकारी

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्