फ्राइडे काराेबार: तीन सिनेमा मध्ये कारोबारमा ‘रोमियो एण्ड मुना’ अगाडि

साउन १३, २०७५ आइतबार १६:३३:१ | उज्यालो सहकर्मी

काठमाडाै‌ं - यो शुक्रबार प्रदर्शनमा आएका तीन सिनेमा मध्ये ‘रोमियो एण्ड मुना’कारोबारमा अगाडि रहेको छ ।

नरेश कुमार केसीको निर्देशन रहेको सिनेमा ‘रोमियो एण्ड मुना’को शुक्रबार ६५ प्रतिशत अकुपेन्सी थियो भने शनिबार बढेर ८५ प्रतिशत पुगेको थियो ।

देशभरका ८० वटा हलमा प्रदर्शनमा आएको यस सिनेमाको कलेक्सन भने अहिले सम्म सार्वजनिक भएको छैन ।

आईतबार बेलुकासम्म बक्स अफिसबाट सिनेमाको कलेक्सन थाहा हुने सिनेमाका निर्माता प्रसन्न गोपालीले जानकारी दिए ।

यस सिनेमामा अभिनेता विनय श्रेष्ठ र श्रृष्टी श्रेष्ठ मुख्य भूमिकामा प्रस्तुत भएका छन् । सिनेमामा शहरीया रोमियो र गाउँले मुनाको प्रेमकथा प्रस्तुत गरिएको छ ।

म्युजिकल लभस्टोरीमा आधारित रहेको ‘रोमियो एण्ड मुना’ मा गौरव डोगाउंकर, कोशिस क्षेत्री र कालिप्रसाद बाँस्कोटाको संगीत रहेको छ ।

थाइल्याण्ड तथा नेपालका आकर्षक दृश्य समेटिएको यस सिनेमामा रोमियो र मुनाको प्रेमलाई फरक ढंगले प्रस्तुत गरिएको छ । प्रसन्न गोपाली, राम बर्मा, कविन शाक्य र अभिनेता विनय मिलेर सिनेमा निर्माण गरेका हुन् ।

‘रोमियो एण्ड मुना’ २ करोडभन्दा माथिको बजेटमा निर्माण भएको सिनेमा हो । उता यही सिनेमासँगै प्रदर्शनमा आएको सिनेमा ‘चिमुसीची’ ले पनि सुखद् कारोबार गरिरहेको छ ।

शुक्रबार यस सिनेमाको ५० प्रतिशत अकुपेन्सी रहेको थियो भने सिनेमाका निर्देशक दिनेश श्रेष्ठका अनुसार शनिबार पनि सिनेमाको कारोबार सुखद् नै रहन गयो ।

दिनेश श्रेष्ठको निर्देशन रहेको यस सिनेमामा सुशान्त कार्की, सुनिल क्षेत्री, अलिशा शर्मा, शिवराज कार्की, शेखर अधिकारी, कमली वाइवा, शशांक बस्याल लगायतका कलाकारको मुख्य भूमिका रहेको छ ।

देशभरका झण्डै ७० वटा हलमा प्रदर्शनमा आएको यो सिनेमा म्युजिकल थ्रिलर विधामा निर्माण गरिएको छ । यो सिनेमानिर्माणमा ८५ लाखलागेको निर्माण पक्षले जनाएको छ ।

यीदुई सिनेमा सँगै प्रदर्शनमाआएको सिनेमा ‘सुकुलगुण्डा’ कारोबारमा पछि परेको छ । प्रचारप्रसारविना नै हलमा लागेको यो सिनेमालाई दर्शकको खासै साथ मिल्न सकेन ।

उज्यालाे र गफगाफ डट कमकाे सहकार्य

अन्तिम अपडेट: कात्तिक १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्