बाबुको किरिया घरमै बस्न पाउँदा सीमामा अलपत्र परेका किरियापुत्री खुशी

वैशाख ११, २०७७ बिहीबार १८:४७:४९ | प्रेमनारायण आचार्य

अर्घाखाँची - भारतीय सिमानामा अलपत्र परेका किरियापुत्री र उनका छोरासहित २ जनालाई पाणिनि गाउँपालिकाले उद्धार गरेर आफ्नो घरमा ल्याई किरिया बस्ने व्यवस्था गरेको छ ।

लकडाउनका कारण २२ दिनदेखि सुनौली नाकामा रोकिएका पाणिनि गाउँपालिका वडा नम्बर ४, पटौटीको निगालीका धनीश्वर विकलाई बावुको मृत्यु भएपछि किरिया गर्न उद्धार गरी ल्याइएको हो ।

उनका बाबु उदयबहादुर विकको ८ गते राति मृत्यु भएको थियो । एक्लो छोरा पनि किरिया बस्न आउन नसकेपछि गाउँपालिकाले नेपाल सरकार र भारतको उत्तर प्रदेश सरकारसँग समन्वय गरेर उद्धार गरेको गाउँपालिका अध्यक्ष अच्युत गौतमले बताउनु भयो ।

आरडीटी र स्वाब परीक्षण सबै गराएर सबै रिपोर्र्ट नेगेटिभ देखिएपछि घरमै सेल्फ क्वरेण्टीनमा राखेर किरिया बस्ने व्यवस्था गरिएको अध्यक्ष गौतमले जानकारी दिनुभयो ।

बाबुको मृत्यु हुँदा दागबत्ती दिन आउन नपाएका उहाँ किरिया गर्न आउँदा खुशी हुनुहुन्छ । रोजगारीका लागि भारत गएका बाबुछोरा भारतमा लकडाउन भएपछि घर आउन हिँडेका र २२ दिनदेखि सिमानामा अलपत्र परेका थिए ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्