उपराष्ट्रपति कप महिला राष्ट्रिय लिग: आइतबार एपीएफ र अार्मी विजयी

साउन १३, २०७५ आइतबार १८:४५:३३ | उज्यालो सहकर्मी

काठमाडौं – उपराष्ट्रपति कप महिला राष्ट्रिय लिग प्रतियोगितामा सशस्त्र प्रहरी बलले उपाधि जित्ने सम्भावना बलियो बनाएको छ ।

एन्फा कम्प्लेक्सको मैदानमा आइतबार भएको खेलमा नेपाल पुलिस क्लबलाई २–० ले हराउँदै सशस्त्र प्रहरी बलले उपाधि जित्ने सम्भावना बलियो बनाएको हो ।
आइतबारै भएको खेलमा आर्मीले रौतहटलाई ३–१ ले हराएको थियो ।

यो जितसँगै आर्मी र एपीएफ दुवैको ९–९ अंक भएको छ । तर गोल अन्तरका आधारमा एपीएफ आर्मीभन्दा ८ गोलले अघि छ ।

अन्तिम खेलमा आर्मीलाई जित आवश्यक छ भने एपीएफलाई बराबरी पर्याप्त हुनेछ ।

एपीएफले पुलिसलाई हराउने क्रममा अनिता केसी र सरु लिम्बुले १–१ गोल गरे ।

अनिताले खेलको २३औं मिनेटमा गोल गर्दा सरुले ४७ औं मिनेटमा अग्रता दोब्बर बनाइन् ।

आइतबारको पहिलो खेलमा आर्मीले रौतहटलाई ३–१ ले पराजित गर्‍यो । आर्मीको जितमा शर्मिला थापाले नवौं र १२औं मिनेटमा गरी दुई गोल गरिन् ।

६५औं मिनेटमा दिपा राईले गोल गर्दै आर्मीलाई ३–० को अग्रता दिलाइन् ।

रश्मी कुमारी घिसिङले ६८औं मिनेटमा एक गोल गरेपछि रौतहटले थप गोल गर्न नसक्दा आर्मीले तीन अंक जोड्दै उपाधिको आशा जिवित राखेको हो ।

६ अंक सहित रौतहट लिगमा तेस्रो भएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्