अर्घाखाँची : भारतमा २६ दिन क्वरेण्टीनमा बसेकालाई गाउँ फर्काएर फेरि १४ दिन क्वरेण्टीनमा

वैशाख १४, २०७७ आइतबार १६:४५:१३ | प्रेमनारायण आचार्य

अर्घाखाँची - भारतको विभिन्न स्थानमा गएका र घरमा फर्कँदा सिमानामै लकडाउनमा परेका १ सय २८ जनालाई अर्घाखाँची ल्याएर फेरि क्वरेण्टीनमा राखिएको छ ।
२६ दिन भारतको नौतनवाको क्वरेण्टीनमा राखेर जिल्लामा ल्याइएका उनीहरुलाई फेरि १४ दिनको लागि स्थानीय सरकारले बनाएको क्वरेण्टीनमा राखिएको प्रमुख जिल्ला अधिकारी विजयराज पौडेलले बताउनु भयो ।

जिल्ला प्रशासन कार्यलयमा बसेको सर्वपक्षीय बैठकबाट भारत र नेपाल सरकारको सहकार्यबाट सिमानाको क्वरेण्टीनमा बसेका उनीहरुलाई आफ्नो घरमा ल्याइएको संघीय सांसद पुस्पा भुसालले बताउनु भयो ।

भारतमा रोजगारी गरी फर्किएका मालारानी गाउँपालिकाका ९३, सन्धिखर्क नगरपालिका २०, पाणिनि गाउँपालिकाका ९, छत्रदेव गाउँपालिकाका ४ र शितगंगा नगरपालिकाका १ गरी एक सय २८ जनालाई सम्बन्धित पालिकाको क्वरेण्टीनमा राखिएको सहायक प्रमुख जिल्ला अधिकारी विष्णुराज वेल्वासेले जानकारी दिनुभयो ।

आफ्ना पालिकाका बासिन्दालाई सम्बन्धित पालिकालेनै व्यवस्थापन गर्नेगरी क्वरेण्टीनमा राखिएको हो । लकडाउनका कारण उनीहरु विगत २६ दिनदेखि नौतनवाको एक विद्यालयमा क्वरेण्टीनमा थिए ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्