अनलाइन कक्षा – रोल नं. १२ : बत्ती गयो सर !

 वैशाख २०, २०७७ शनिबार ११:११:२१ | मिलन तिमिल्सिना
unn.prixa.net

लकडाउनको महिना दिनसम्म सबैलाई ढुक्कै भयो । न हिँड्नुपर्यो, न काम गर्नुपर्यो, न पढ्नु पर्यो, न पढाउनै पर्यो । शिक्षक, विद्यार्थी, अभिभावक सबैलाई आनन्द ।

तर कति दिन यसरी बस्नु ? मोबाइलमा भएका गेम खेलेर, सिनेमा हेरेर, टिकटक बनाएर, च्याटमा भुलेर, सुतेर, उँघेर, उट्पट्याङ गरेर सबैथोक सिध्याइयो । अब त यसो पढेजस्तो, पढाएजस्तो पनि गर्नुपर्यो । त्यसपछि सुरु भयो अनलाइन कक्षाको ताउरमाउर ।

बल्लतल्ल मोबाइलमा जुम चलाउन जानेका शिक्षकले अभिभावकलाई फोन गरे: ‘ल अब मोबाइलबाटै पढाई हुन्छ, जुम डाउनलोड गर्नुपर्यो ।’ 
घरमा धुम्धुम्ती बस्नुपरेको बेला फेरि कहाँबाट आयो यो जुम ? शिक्षकले भनेको मान्नैपर्ने होला । नत्र छोराछोरीको पढाई बिग्रिएला भन्ने डर । त्यसमाथि छोराछोरी पनि कराउँदैछन्: ‘अरुले अनलाइन कक्षा लिन थालिसके रे, खै हाम्रो स्कुल मात्रै के हो के ?’

‘ल ल तिमीहरुका स्कुलले पनि अनलाइनमा पढाउने रे, खै जुम हो कि धुम के हो डाउनलोड गर्नुपर्छ रे ।’ अनि बाआमा र छोराछोरी मोबाइलमा जुम खोज्न थाले । आमाको मोबाइलमा मिलेन । गेम खेल्न र च्याट मात्रै हुने छोराछोरीको मोबाइलमा पनि जुम जमेन ।  

बल्लतल्ल बाबुको मोबाइलमा मिल्यो । जुम त डाउनलोड भयो, तर कुरा कसरी गर्ने ? सात दिन लगाएर जुम चलाउन सिकेका शिक्षकले युजर नेम र पासवर्ड राखेर कुरा गर्ने तरिका सिकाए । शिक्षकलाई सिक्न सात दिन लाग्यो, विद्यार्थी र अभिभावकलाई अर्को सात दिन लाग्यो । त्यसपछि सुरु भयो अनलाइन कक्षा ।

‘ल अब आजदेखि अनलाइन कक्षा सुरु भयो । सबै विद्यार्थीहरु मोबाइलमा बस’ सरमिसले उताबाट भने । अस्तिताकासम्म मोबाइल नखेलाउ भन्ने सरमिस र बाउआमा नै अब मोबाइल चलाउ भन्न थाले । रमाइलै भयो । सरमिसले १० बजे पढाई हुने भनेका थिए ।

मोबाइलबाट सबैलाई खोज्न अनि यसको, उसको, त्यसको सबैको मोबाइलमा अनुहार देखिन र आवाज जोडिने बेलासम्म पर्खंदा १२ बज्यो । त्यसपछि सुरु भयो अनलाइन कक्षा ।

उताबाट सर कराए: रोल नं. १ 

कोही बोल्दैनन् । यसकोमा बच्चा रोएको, उसकोमा बाउआमा झगडा गरेको, त्यसकोमा कुकुर कराएको आवाज मात्रै सुनिन्छ । सरको उत्तर कसैले दिंदैन ।
‘हैन को हो रोल नं. १, किन नबोलेको ?’ श्रीमतीलाई चुप लाग्न भन्दै उताबाट सर कराए ।

‘सर भर्ना नै भएको छैन, कसको रोल नं. कति हो, को बोल्ने ?’ यताबाट विद्यार्थी गलल्ल हाँसे ।

‘ए हो त, ल त्यसो भए पुरानै कक्षाको रोल नं. अनुसार भन्ने है त’ शिक्षकले फेरि भट्याए । रोल नं. १: सुनिएन सर । 

रोल नं. २ : झ्यारझ्यार आयो सर । 

रोल नं. ३ : भन्नै आएन सर । 
..........। 
रोल नं. १२ : बत्ती गयो सर ।..........


हाजिर नै सक्न नभ्याउँदै नेट र बिजुली गयल भयो । तर पनि विद्यार्थीलाई रमाइलो भयो । दुई महिनादेखि देख्न नपाएका साथी, केटासाथी, केटीसाथी देख्न पाइयो । सर र मिसलाई पनि गजब नै भयो । विद्यार्थीको हाजिर गर्न नसके पनि अनलाइनमा पढाइयो भनेर गजक्क पर्न पाइयो । 

साना केटाकेटीका बाआमालाई चाहिँ झण्झट मात्रै । उताबाट सरमिसले नै जुम चलाउन जान्दैनन्, यताबाट आफूले झन् कसरी जान्नु । बल्लबल्ल जोडियो, अलिअलि सरमिसको अनुहार देखियो । सरमिसको त बल्लतल्ल अनुहार देखियो । तर सबै केटाकेटीको देखिएन । छोरो रुन्छ : ममी मेरो फोटो खै ? छोरी भन्छे : नाईं साथीको पनि फोटो हेर्ने । अनि सरमिस देख्नेबित्तिकै विद्यार्थीले गुड मर्निङ भन्न परिहाल्यो ।

गुड मर्निङ भन्न नपाउँदै सरको अनुहार हरायो, मिसको बोली बिलायो । यता आफ्नो मोबाइल ह्याङ भयो, उता अर्कोको लाइन गयो । बरु यो भन्दा फेसबुकको च्याट र टिकटक नै ठिक । केटाकेटीलाई पनि गेम नै ठिक । बेकारको झण्झट मात्रै । 

यो त शहरबजार, त्यसमा पनि सबैको हातमा मोबाइल भएका र नेट चलाउन जान्नेहरुको कुरा । गाउँमा त के को अनलाइन पढाई ? मोबाइल छ, टावर छैन । फेसबुक छ, इन्टरनेट छैन । तर डाँडा छ, रुख छ । केही नभए घरको आँगन र भकारोको थुप्रो छ । सरहरु रुखको हाँगा र डाँडामा चढून् । मिसहरु भकारोको थुप्रोमा बसून् । अनि विद्यार्थीले आँगनको डिलबाट हेरुन् । 

रोल नं. १ : हजुर मिस । 
रोल नं. २ : भकारोको डिल त भत्किन लाग्यो मिस । 
चुप लाग, रोल नं. ३ : मकै बुढ्यो मिस, आमाले गोड्न आउनु भन्नुभएको छ । 

गाउँको अनलाइन पढाई पनि बिथोलियो ।

लकडाउनभन्दा पहिले मान्छेले फेसबुक च्याटमा मात्रै भुल्न जानेका थिए । लकडाउनपछि जुममा झुम्न खप्पिस भए । जुममै सल्लाह, जुममै भाषण, जुममै बैठक, हुँदाहुँदै अब जुममै कक्षा । बल्लतल्ल मन्त्रीले जुममा बैठक गर्न जाने, त्यसपछि शिक्षकले सिके, अनि पालो आयो विद्यार्थीको । तर पारा चाहिँ यस्तो ।

जेठमा पनि स्कुल खुल्ने छाँट नदेखेपछि सबैभन्दा धेरै निजी स्कुलका सञ्चालक आत्तिए । स्कुल नै नखुलेपछि भर्ना कसरी गर्ने ? भर्ना नै नभएपछि पैसा कहाँबाट कमाउने ? त्यसपछि उनीहरुले जुक्ति निकाले, स्कुल नखुलेर के भयो त,  जुमबाटै पढाएझैं गर्ने, अनि पछि अभिभावकबाट लौ पढाएको पैसा लेउ भन्ने ।

तर विद्यार्थीको हाजिर पनि गर्न नसकिने अनलाइन कक्षाले सरमिसका खातामा पैसाको हाजिर लाग्ला या नलाग्ला ? त्यो त कोरोना सकिएपछि कमरेड वामदेव गौतम प्रधानमन्त्री बन्नुभयो भने मात्रै थाहा पाइएला !

अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

मिलन तिमिल्सिना

दुई दशकदेखि रेडियो र अनलाइन पत्रकारितामा संलग्न मिलन तिमिल्सिना समसामयिक विषयमा विश्लेषण र व्यंग्यमा दखल राख्नुहुन्छ। 

8 Comments

  • Prakash Kumar Sah

    May 8, 2020, 9:40 p.m.

    एकदम राम्रो छ, अहिले यहि भईरहेको छ /

  •  0 Reply

  • चन्द्र पुन

    May 3, 2020, 8:38 p.m.

    व्यंगमा वास्तविकता छः मोबाइल को नेटवर्क त बल्लतल्ल मिलने गाऊँ बेसी मा यो सम्भव देखिदैन , नेटवर्क सुधार भय पनी इन्टरनेट किन्ने पैसा सबैमा छैन,इंटर्नेट किनिहाले पनी उसलाई सदुपयोग कसरी गरने जम्मै युट्युब , फेसबुक र इमोमा नै सकिभ्याउँछन्, ,अनि कसरी संभव छ??

  •  0 Reply

  • Sujit

    May 3, 2020, 9:59 a.m.

    Phscology says, 'if u focus on problem, Thera will be more problem,if u focus on solution ,u will get one'. Mindset is everything. Online class gonna definitely work😇

  •  0 Reply

  • Dr Ananda Aryal

    May 3, 2020, 12:12 a.m.

    मिलनजीले चलचित्रको स्कृष्ट लेख्नु भए राम्रो, तपाईंको यो लेख चाँही पुंग न पुछ्छरको छ । हामीले पनि नेताको गुलामी गर्ने, ह्रस्व-दीर्घ नचिन्ने पत्रकार देखेका छौं, त्यसको अर्थ सबै पत्रकारलाई गाली गर्दैनौं । अब आयो अनलाइन कक्षाको कुरा: तपाईंको लेखले म जस्तो युवा शिक्षकलाई पक्कै अपमानित गरेको छ । अनलाइन कक्षा नेपाली सन्दर्भमा आजको समयको माग हो । हो अनलाइन माध्यम धेरै विद्यार्थी र शिक्षकहरूलाई नौलो हुन सक्छ तर सिक्न नै नखोज्नु, आफूमा परिवर्तन नै गर्न नचाहनु विकास विरोधी अवधारणा हो । तपाईंमा हिम्मत छ भने आउनुहोस् मैले संचालन गर्ने अनलाइन कक्षामा अनि म बताउने छु यो कति प्रभावकारी छ भनेर । अर्को कुरा हल्ला हुन्छ भन्ने तर्क नै हास्यास्पद छ, जुममा कक्षामा संचालकले सबैलाई mute गर्न सक्छन् यो संभावत तपाईंलाई नै थाहा रहनेछ । अन्त्यमा शिक्षकले प्रयास मात्र गर्ने हो, बाँकी विद्यार्थी र अभिभावकको प्रयास र नियतमा पनि निर्भर रहन्छ । नपढ्नेहरू त कक्षा कोठा, घर कहीं पनि पढ्दैनन् ।

  •  0 Reply

  • aagaman khanal

    May 2, 2020, 11:28 p.m.

    I would love to join online class to continue my study.

  •  0 Reply

  • दिल बुढाथोकी

    May 2, 2020, 7:15 p.m.

    रसिलो अंगुर टिप्न नसकेपछि भालुले अंगुर अमिलो छ भन्थ्यो रे, त्यस्तै जस्तो आफुले गर्न नसक्ने अनि अनाबस्यक नकारात्मकता बढाउने र ब्यङ्ग गर्नु राम्रो होइन |अनलाइन कलास गर्न सक्नु पर्छ असाद्धै प्रभावकारी हुन्छ र भैराखेको छ, जो हामीले गरिरहेका छौ| सकारात्मक हुन सिकौ|

  •  1 Reply

  • Samir mukhiya

    May 2, 2020, 4:13 p.m.

    लेख्नु भएको ठिकै हो कुनै कुनै कुरा बास्तबिकता पनि होला तर नराम्रो छ भन्दैमा अझै नराम्रो बनाउनु मुर्खता हो त्यसैले कमि कम्जोरिलाइ सुधार गर्दै लैजानु आबस्यक छ एउटा दुधे बालक त्यतिकै खुरुखुरु हिंड्न् सक्दैन अभ्यास चाहिनछ त्यसैले अभ्यास गर्नुपर्छ र गर्न सहयोग गर्नु उपयुुक्त हुनेछ ।

  •  0 Reply

  • Gobinda

    May 2, 2020, 1:20 p.m.

    Negative minded article. If you cannot educate, spend your time on how to use technology. Why to scold children parents school or government? All nonsense!

  •  0 Reply

तपाईको प्रतिक्रिया

समाचार

लोकप्रिय

१

११ वटा एयरलाइन्सले हवाई भाडादरको विवरण बुझाए

२

कीर्तिपुर मैदानमा नयाँ डिजिटल स्कोर बोर्ड, दर्शकका लागि ‘फ्यान जोन’ र कुर्सीसहितको प्याराफिट

३

युद्ध अपराधको आरोपमा इजरायलका प्रधानमन्त्री, पूर्व रक्षामन्त्री र हमास कमाण्डरविरुद्ध पक्राउ पुर्जी

४

बगेर खेर गइरहेछ भोटको नुन

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई