टुर दि फ्रान्सको उपाधि बेलायतका ग्रेनाइट थोमसलाई

साउन १४, २०७५ सोमबार १२:२०:६ | उज्यालो सहकर्मी

बेलायतका ग्रेनाइट थोमसले टुर दि फ्रान्सको उपाधि जितेका छन् । फ्रान्सको प्रशिद्ध साइकल र्‍यालीको उपाधि जित्ने थोमस तेस्रो वेलायती खेलाडी बनेका छन् ।

१०५औं संस्करणको उपाधि जित्नका लागि थोमसले अघिल्लो संस्करणका विजेता क्रिश फ्रुमलाई पछि पारेका थिए । टिम स्काईका चालक थोमसले दोस्रो स्थानका डच खेलाडी टम डुमोलिनलाई एक मिनेट ५१ सेकेण्डले पछि पारेका थिए । २१ चरणको रेस थोमसले ८३ घण्टा १७ मिनेट १३ सेकेण्डमा पूरा गरेका थिए । दोस्रो भएका टिम सनवेबका टमले ८३ घण्टा १९ मिनेट चार सेकेण्ड मार्क गरेका थिए भने तेस्रो भएका क्रिश फ्रुमले ८३ घण्टा १९ मिनेट ३७ सेकेण्डमा निर्धारित दूरी तय गरेका थिए ।

रेसको २१ औं चरणको उपाधिका लागि १० खेलाडीले एउटै समयमा दूरी पूरा गरेका थिए । नर्वेका अलेक्सान्दर क्रिष्टोफ, जर्मनीका जोन डेगेनकोल्ब र फ्रान्सका आर्नो डिमारेले समान २ घण्टा ४६ मिनेट ३६ सेकेण्डमा दूरी पूरा गरेका थिए ।

११६ किलोमिटरको दूरीमा समान समयमा रेश पूरा गरेपनि अलेक्सान्दर क्रिष्टोफ पहिलो, जोन डेगेन्कोल्ब दोस्रो र अर्नोड डिमारे तेस्रो भए ।

टूर दि फ्रान्सको उपाधि जित्ने तेस्रो वेलायती खेलाडी थोमसको यो पहिलो मुख्य उपाधि हो । पछिल्लो सात वर्षमा वेलायतले टूर दि फ्रान्समा पकड जमाएको छ । पछिल्लो सात संस्करणमा वेलायती खेलाडीले ६ वटा उपाधि जिते । सन् २०१२ मा ब्राडली विगिन्सले उपाधि जितेका थिए भने सन् २०१३ मा वेलायतकै क्रिश फ्रुम च्याम्पियन बनेका थिए । सन् २०१४ मा इटालीका भिन्सेन्जो निबाली च्याम्पियन बन्दा त्यसपछिका तीन संस्करणमा क्रिश फ्रुम विजयी भएका थिए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्