पलाँताको नयाँ अभियान : विकास निर्माण हेर्ने छुट्टै कार्यदल निर्माण

साउन १४, २०७५ सोमबार १४:४५:२ | मनिराज पाण्डे

कालिकोट – पलाँता गाउँपालिकाले सडक निर्माणमा कार्य गर्दै आएको पलाँता निर्माण कार्यदललाई खानेपानी आयोजना निर्माण कार्यमा लगाउने भएको छ ।

पलाँता निर्माण कार्यदलको वार्षिक समिक्षा कार्यक्रममा गाउँपालिका अध्यक्ष लक्ष्मणबहादुर बमले निर्माण कार्यदललाई ठूला खानेपानी आयोजनामा गएर काम गर्ने निर्देशन दिनुभएको छ । एक सय जना रहेको कार्यदललाई २ सय थपेर यस वर्षबाट तीन सय पु¥याउने कार्य भइरहेको अध्यक्ष बमले बताउनुभयो ।

कार्य व्यस्तताका कारण तीन वटा टिम वार्षिक समिक्षामा आउन सकेनन् । अघिल्लो वर्ष सडक निर्माण कार्यमा सफलता हासिल गरेकाले यस वर्ष कार्यदललाइ सिँचाइ, खानेपानी, सडक, भवन निर्माण र जल विद्युत निर्माण कार्य तोकिएको छ ।

पलाँता निर्माण कार्यदलको एक टिममा १५ जना रहने छन् । अति आवश्यकीय कार्यका लागि बाहेक ६ महिना सम्म कार्यदलका सदस्यहरु निर्माण स्थल क्यापबाट बाहिर जान पाउने छैनन् ।

कसको टिम कहाँ

एक वर्षका लागि कार्यदलको कार्य क्षेत्र विभिजन गरिएको छ । विभाजन गरिएको कार्य क्षेत्रमा कार्यदलले तत्काल कार्य प्रारम्भ गर्ने छन् ।

टिम	टिम प्रमुख	कार्यक्षेत्र
A	कुम्मबहादुर बम	वडा नम्बर ७ र ८ खानेपानी, सिँचाइ र सडक
B	देव बिक	तलसेरी खानेपानी र विद्यालय भवन निर्माण
C	पानबहादुर रोकाया	तलसेरी खानेपानी र विद्यालय भवन निर्माण
D	धर्मदत्त न्यौपाने	तलसेरी खानेपानी र विद्यालय भवन निर्माण
E	धीरबहादुर बम	दुर्सिगाड लघु जलविद्युत
F	सूर्यबहादुर बम	थिर्पू ९ सडक निर्माण

पलाँता २ का लागि खानेपानी ल्याउन लागिएको तलसेरी खानेपानी आयोजना २४ किलो मिटर लामो आयोजना हो ।

यस आयोजनाका लागि गाउँपालिकाले २ करोड बजेट विनियोजन गरेको छ । अघिल्लो वर्ष किर्डाकले आयोजना गरेको खानेपानी सरसफाइ तथा स्वच्छता अधिकार सम्बन्धीको जनचेतनामुलक कार्यक्रमा सहभागी भएपछि पलाँता २ का स्थानीय बासिन्दाले खानेपानी माग गर्दै जेठमा गाउँपालिका अध्यक्षलाई रित्तो गाग्रीले स्वागत गरेका थिए ।

अघिल्लो वर्ष कार्यदलले काम गरेका सडक आयोजनाहरुबाट रकम भुक्तानी गर्दा कार्यदलले समयमै नपाएको गुनासो आइपछि यस वर्ष कार्यदलका लागि २ करोड रकम पहिलो गाउँसभाबाट विनियोजन गरिएको पालिका अध्यक्ष बमले बताउनुभयो । ‘पहिले आयोजनामा पैसा जान्थ्यो, कार्यदलले काम खोज्दै जानु पथ्र्यो’, अध्यक्ष बमले भन्नुभयो, ‘अहिले त्यस्तो छैन, जहाँ कार्यदल जान्छ, त्यहाँ रकम पनि जान्छ ।’

कार्यदललाई के–के सुविधा छ

पलाँता निर्माण कार्यदलले अघिल्लो वर्ष प्राप्त गरेको २४ हजार तलबमा यस वर्ष १० प्रतिशत वृद्धि गरिएको छ ।

सरकारी सेवा सुविधा अनुसार यो तलब सुब्बा स्तरको हो । जीवन बिमा, डे«स, संचय कोष, सन्तति शिक्षा बचतलगायतका सेवा पाउने गरी गाउँपालिकाले पलाँता निर्माण कार्यदल २०७४ को कार्याविधि परिर्माजन गर्ने भएको छ ।

भाद्र महिनाबाट पलाँता निर्माण कार्यदलका टिम लिडरहरुले सञ्चार सेट पाउने छन् ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।