रोल्पा र दाङका ३ दर्जन मजदुर रामेछापमा अलपत्र

जेठ ५, २०७७ सोमबार १८:४:४७ | दीपक भट्ट

रामेछाप – रोल्पा र दाङ जिल्ल्ला घर भएका तीन दर्जन मजदुर मन्थलीमा अलपत्र परेका छन् । रामेछापको उमाकुण्ड गाउँपालिकामा निर्माणाधिन सडक निर्माणको काम गर्दै आएका ती मजदुरहरु काम रोकिएपछि घर फर्कने क्रममा मध्य बाटाेमा नै अलपत्र परेका हुन् ।

३५ जनामध्ये १० जना आइतबार दिउँसो सदरमुकाम मन्थली आइपुगेकाे र बाँकी सबै सोमबार साँझसम्ममा मन्थली नै आइपुग्ने पीडितहरुले बताएका छन् ।रातको समेत परवाह नगरि झण्डै तीन दिनको कठिनपूर्ण यात्रापछि आइतबार बिहान मन्थली आएका सबै मजदुरहरु थकान र भोकले लखतरान देखिएका थिए ।

उनीहरुको बारेमा जानकारी पाएपछि सबैलाई खानपानको व्यवस्था रामेछाप उद्योग वाणिज्य सङ्घले मिलाएको र बाँकी आउँदै गरेका कामदारहरुलाई पनि खाने प्रबन्ध मिलाइने सङ्घका कार्यकारी अधिकृत नविन केसीले जानकारी दिनुभयाे ।

उहाँले भन्नुभयाे, ‘घर हिँडेका मजदुरहरुले होटल तथा पसलहरु बन्द भएका कारण खान पाएका छैनन् । खाना, खाजा र पानी खान नपाएका मजदुरहरुलाई हामी खानापिनाको व्यवस्था गर्दैछाैँ ।'

विश्वभर महामारीको रुपमा फैलिएको कोरोना भाइरसकाे कारण सरकारले गरेको लकडाउनकाे कारण आफूले श्रम गरेको रकमसमेत ठेकेदारले नदिएको मजदुर विशाल भण्डारीले गुनासो गर्नुभयो । उहाँले तत्काल लकडाउन हट्ने अवस्था नदेखेपछि विना बाटो खर्च नै आफूहरु घरतर्फ लागेको उहाँले गुनासो गर्नुभयो ।

उहाँले लकडाउन र सम्भावित कष्टको बारेमा थाहा पाएर पनि आफूहरु घर जान लागेको बताउनुभयो ।

उनीहरुको अवस्थाका बारेमा जानकारी पाउनासाथ आफूले सम्बन्धित निर्माण व्यवसायीसँग समन्वय गरी उनीहरुलाई घर पठाउनका लागि पहल सुरु गरिसकेको जिल्ला प्रशासन कार्यालय रामेछापका उपप्रशासकीय अधिकृत भोला दाहालले जानकारी दिनुभयाे ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्