चीन : पहिलाे पटक शून्यमा झर्‍याे काेराेना सङ्क्रमण

जेठ १०, २०७७ शनिबार १३:२२:१८ | एजेन्सी

काठमाण्डाै – चीनमा काेराेना भाइरस महामारी फैलिन सुरु भएपछि पहिलाे पटक कुनै दिन एक जना पनि सङ्क्रमित थपिएका छैनन् । चीनमा पछिल्लाे २४ घण्टामा नयाँ सङ्क्रमण देखिएकाे छैन ।

गएकाे वर्षकाे अन्त्यतिर चीनकाे वुहान शहरबाट नै सङ्क्रमण सुरु भएकाे थियाे र त्यसकाे केही महिनामा नै पूरै विश्व महामारीकाे चपेटामा परेका थिए ।

तर मार्च महिनाबाट चीनमा सङ्क्रमण हुने दरमा निकै कमी आयाे, यसाे हुनुमा प्रतिबन्धकाे कडा रुपमा पालना गर्नुलाई प्रमुख कारण मानिएकाे छ ।

यता समाचार एजेन्सी राेयटर्सका अनुसार चीनमा बाहिरबाट आएका मानिसमा सङ्क्रमण देखिने क्रम बढिरहेकाे छ । तीमध्ये धेरैजसाे यस्ता चिनियाँ नागरिक छन्, जाे विदेशबाट फर्किरहेका छन् ।

गएका हप्तामा पूर्वाेत्तर चीनकाे सीमावर्ती जिलिन र हेइलङ्गजियाङ्ग प्रान्त सङ्क्रमणकाे केन्द्र बन्दै गइरहेकाे छ । वुहानमा पनि याे महिना पहिलाे पटक केही इलाकामा सङ्क्रमण देखिएकाे थियाे । वुहानमा गएकाे अप्रिल ८ तारिखमा लकडाउन हटाइएकाे थियाे ।

त्यसपछि अधिकारीहरुले महामारी राेक्नकाे लागि लागू गरिएकाे प्रतिबन्ध खुकुलाे बनाउन नहुने चेतावनी दिएकाे थिए । उनीहरुले वुहानका एक कराेड १० लाख बासिन्दाकाे परीक्षणका लागि अभियान सुरु गर्ने पनि बताएका थिए ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्