साेती घटना : अर्का एक युवकको शव फेला

जेठ १२, २०७७ सोमबार ७:२२:४८ | राजु लामिछाने

रुकुम पश्चिम : चौरजहारी नगरपालिका-८ सोेतीमा शनिबार बेलुका भएको घटना बेपत्ता भएका अर्का युवाको शव भेटिएको छ ।

बेपत्ता भएका ५ जनामध्ये एक जनाको शव आइतबार घटनास्थलबाट २५ किलोमिटर तल भेरी नगरपालिका-१२ मा रहेकाे भेरी नदीको किनारमा फेला परेको प्रहरीले जनाएको छ । चौरजहारी नगरपालिका-१ का २० वर्षका टिकाराम विकको शव भेटिएको र पोस्टमार्टमको लागि जिल्ला अस्पताल जाजरकोट लगिएको मृतकका आफन्तले जनाएका छन् ।

शनिबार राति नै जाजरकोटऽ भेरी नगरपालिका ४ का २१ वर्षीय नवराज विकको शव भेरी नदीमै फेला परेको थियो । चौरजहारी नगरपालिका वडा नम्बर-८ऽ सोतीकी एक युवतीलाई भगाएर बिहे गर्ने योजनाका साथ साथीहरु लिएर गएका नवराजलाई युवतीका आफन्तले कुटेर हत्या गरेको मृतकका आफन्तजनले बताएका छन् ।

इलाका प्रहरी कार्यालय रुकुम पश्चिमका अनुसार, जाजरकोटको भेरी नगरपालिका वडा नम्बर ४ का गणेश विक, भेरी नगरपालिका वडा नम्बर ११ का लोकेन्द्र सुनार, गोविन्द शाही र सन्दीप विकको अवस्था अहिलेसम्म अज्ञात रहेको र खोजी कार्य तीव्र पारिएको छ ।

जाजरकोटबाट गएका भनिएका १९ जनामध्ये १२ जनालाई प्रहरीले नियन्त्रणमा लिएको छ भने बेपत्ता भनिएका एकजना घरमै रहेको बताइएको छ । घटनामा संलग्न भएको आशंकामा प्रहरीले चौरजहारी नगरपालिका ८ का वडाध्यक्ष सहित ४ जनालाई पक्राउ गरेको छ ।

घटनापछि युवतीका आफन्तले भेरी मृतकहरुको भेरी नदीमा खसेर ज्यान गएकाे बताएका छन् भने युवकका आफन्तले हत्या गरेर भेरी नदीमा फालेको आराेप लगाएका छन् ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्