कपनबाट पेस्ताेलसहित एक जना पक्राउ
चैत १६, २०८० शुक्रबार
रुकुम पश्चिम - शनिबार बेलुका रुकुम पश्चिमको चौरजहारी नगरपालिका-८, सोतीमा भएको घटनाका सम्न्धमा नेकपा पश्चिम रुकुमले गम्भीर ध्यानाकर्षण भएकाे जनाउँदै समिति गठन गरेको छ ।
घटना सम्बन्धमा पार्टीको तर्फबाट सत्यतथ्य वुझ्न र अनुसन्धानमा सहयोग गर्न पार्टीको प्रदेश कमिटी सदस्य चन्द्रबहादुर विश्वकर्माको संयोजकत्वमा तीन सदस्यीय समिति गठन गरिएको छ । समितिमा प्रदेश समिति सदस्य पुस्प वादी र जिल्ला कमिटी सदस्य भिमा थापा सदस्य रहनुभएको छ ।
घटनाबारे सत्य तथ्य बुझ्न पार्टीका तर्फबाट समिति बनाउँदै जाजरकोटबाट आएका युवा र स्थानीयबीच भएको झडपबाट उत्पन्न घटनाप्रति दु:ख पनि व्यक्त गरेको छ ।
नेकपा पश्चिम रुकुमका अध्यक्ष गोपाल शर्माले विज्ञप्ति निकालेर प्रेम सम्बन्ध र विवाह प्रसंगका कारण भएको भनिएको अकल्पनीय एवं निन्दनीय घटनाको निष्पक्ष छानबिन गरी दोषीलाई कानुन बमोजिम कडा कारबाही गर्न स्थानीय प्रशासनको गम्भीर ध्यानाकर्षण गराएको बताउनु भएको छ ।
विज्ञप्तिमा घटनाका क्रममा बेपत्ता रहेका व्यक्तिहरुको तत्काल खोजीकार्य तथा उद्धारको लागि पनि स्थानीय सरकार, प्रशासन तथा सुरक्षा निकायलाई अनुरोध गरिएको छ।
घटनामा परेका जाजरकोट जिल्ला भेरी नगरपालिका- ४, रानागाउँका नवराज विक र चौरजहारी नगरपालिका-१ का टीकाराम विकको शव भेरी नदी किनारमा भेटिएको छ भने ४ जना बेपत्ता रहेको प्रहरीले जनाएको छ ।