मिसावट र हिसाब गाेलमाल : रामेछापकाे लक्ष्मी आयल स्टाेर्स ५ दिनमा दुई पल्ट सिल

जेठ १२, २०७७ सोमबार १३:०:१८ | दीपक भट्ट

रामेछाप - सदरमुकाम मन्थलीमा रहेको लक्ष्मी आयल स्टोर्स फेरि सिल गरिएको छ ।

मिसावटयुक्त पेट्रोल बिक्री गरेको गुनासो आएपछि चार दिन अघि प्रशासनले सिल गरेको मन्थलीको लक्ष्मीआयल स्टोर्स सोमबार फेरि सिल गरिएको हो ।

पम्प सञ्चालकले बजार अनुगमन समितिलाई पनि झुक्याएको र ढाँटेको भन्ने प्रमाणका आधारमा प्रशासनले आयल निगमको प्रतिनिधि समेतको संलग्नतामा आइतबार राति उक्तपम्पमाथीथप अनुसन्धान गरेको हो ।

आयल निगम काठमाण्डौका वितरण विभाग प्रबन्धक विदुर कोइरालाको नेतृत्वमा खटिएको टोलीले अघिल्लो सिल तोडेर टयाँकीभित्रको इन्धन र नोजल स्ट्याण्ड समेतको निरीक्षण गरेको थियो ।

करिब ३ घण्टा लगाएर गरिएको अनुसन्धानमा पम्प सञ्चालकले आन्तरिक हिसाब कितावपारदर्शी ढंगले नराखेको निगमका प्रतिनिधिले सोधेको धेरै प्रश्नहरुको चित्तबुझदो जवाफ दिन नसेकेको र अन्य शंकास्पद व्यवहारका आधारमा पम्पमा फेरि सिल गरिएको टोलीका संयोजक प्रशासकीय अधिकृत भाष्कर दाहालले जानकारी दिनुभयाे ।

गएको बिहीबार साँझ प्रशासकीय अधिकृत दाहालको नेतृत्वमा अनुगमनका लागि खटिएको टोलीले मिसावट भेटिएको पेट्रोलको नमुना लिएर स्टोर्सलाई सिल गरेको थियो ।

प्रशासनका अनुसार यसअघि स्टोर्सले मिसावटयुक्त पेटोल बिक्री गरिरहेको र काउण्टर सञ्चालकको व्यवहार पनि पारदर्शी नहुनेगरी काम हुने गरेको लगायतका सूचनाका आधारमा पम्पमा सिल गरिएको थियो ।

यसअघि पनि बेलाबेलामा ग्राहकहरुबाट विभिन्न गुनासा आउने गरेको पेट्रोलपम्पले केही दिन अघिदेखि मिसावटयुक्त पेटोल बिक्री गर्दे आएको र उक्त पेट्रोलले मोटरसाइकलको इन्जिन नै बिग्रन थालेपछि पेट्रोल फिर्ता गर्नेहरुकाे संख्या पनि उल्लेख्य छ ।

पम्पले जहाजहरुकालागि मात्र प्रयोगमा ल्याइने हवाई इन्धन ल्याएर मिसावट गर्नै गरेको स्थानीयकाे भनाइ छ ।

अनुगमनका क्रममा काउण्टर सञ्चालक गोमा कार्कीले भने मिसावट देखिएकाे सत्य भएकाे तर कसरी भयाे भन्ने आफूलाई थाहा नभएकाे बताइन् । उनले बिक्री भएको ठूलाे परिमाणकाे इन्धनसमेत फीर्ता ल्याइसकेको दावी गरिन् । पम्पका सञ्चालक रामेछाप उद्योग वाणिज्य संघका अध्यक्ष हुन् ।

निगमका वितरण विभाग प्रबन्धक कोइरालाले नमुनाको लागि लिएको इन्धन परीक्षण नापतौल तथा गुणस्तर विभागबाट भएपछि बिल भर्पाई तथा हिसाबकिताबको बारेमा टुंगो लगाएर मात्र पम्पको भविष्यको बारेमा भन्न सकिने बताउनुभयाे ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्