बार्सिलोनाले खायो ८ मिनेटको अन्तरमा ३ गोल, रोमासँग ४–२ ले पराजित

साउन १६, २०७५ बुधबार १२:५५:३४ | उज्यालो सहकर्मी

इन्टरनेशनल च्याम्पियन्स कप अन्तर्गत बुधबार बिहान भएको खेलमा स्पेनिस क्लब बार्सिलोना इटालियन क्लब रोमासँग पराजित भएको छ ।

टेक्सासमा भएको खेलमा बार्सिलोनालाई रोमाले ४–२ ले हरायो । मुख्य खेलाडी अनुपस्थितिमा बार्सिलोनाले दुई पटक अग्रता लिएको थियो । तर रोमाले उत्कृष्ट पुनरागमन गर्दै जित हात पार्‍यो ।

खेलको छैटौं मिनेटमा राफिन्हाले गोल गर्दै बार्सिलोनालाई अग्रता दिलाएका थिए । तर ३५औं मिनेटमा स्टेफान एल सारावेले रोमाका लागि यो गरेपछि पहिलो हाफ १–१ गोलको बराबरीमा सकियो ।

हालैमात्र बार्सिलोनामा आबद्ध भएका माल्कमले ४९औं मिनेटमा गोल गर्दै क्लबलाई पुनः अग्रता दिलाए । तर खेलको अन्तिम तिर बार्सिलोनाले आठ मिनेटको अन्तरमा तीन गोल खायो ।

७८औं मिनेटमा अलेसान्द्रो फ्लोरेन्जी, ८३औं मिनेटमा बार्यन क्रिष्टान्टे र ८६औं मिनेटमा डिएगो पेरोट्टीले गोल गर्दै रोमालाई ४–२ को जित दिलाए ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्