हतियार र लागुऔषधसहित दुई जना पक्राउ

जेठ १९, २०७७ सोमबार १९:५८:३५ | धनवीर महतो

महोत्तरी – प्रदेश प्रहरी कार्यालय जनकपुरधामले लागुऔषध र हतियारसहित दुई जनालाई पक्राउ गरेको छ ।

प्रदेश प्रहरी कार्यालयले पत्रकार सम्मेलन गरी महोत्तरी लोहारपट्टी नगरपालिका ८ का २० वर्षीय डिके भनिने आजेजुल राईन र सर्लाही मलङ्गवा नगरपालिका १ का जितेन्द्रकुमार रामलाई सार्वजनिक गरेको हो ।

राईनलाई पेस्तोलसहित र रामलाई लागुऔषधसहित पक्राउ गरी अनुसन्धानको क्रममा राखिएको प्रदेश प्रहरी कार्यालय जनकपुरधामले जनाएको छ । जनकपुर उपमहानगरपालिका १७ बनौलीको रामलोचन पासवानको आँपको बगैँचाबाट पक्राउ परेका राईनको साथबाट प्रहरीले एक थान अटोमेटिक पेस्तोल, तीन थान म्यागजिन र पेस्तोलमा लाग्ने पाँच राउण्ड गोली बरामद गरेको प्रहरी कार्यालयका प्रवक्ता, प्रहरी उपरीक्षक जयराज सापकोटाले जानकारी दिनुभयो ।

त्यस्तै भारतबाट नेपालतर्फ आइरहेको समयमा सर्लाही प्रहरीले शङ्काको आधारमा जाँच गर्दा रामको साथबाट लागुऔषध वालरेक्स १०० नामक ५० थान बरामद भएको प्रहरी उपरीक्षक सापकोटाले बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्