पाल्पा : अमरनारायण मन्दिरको पोखरीमा भेटियो ऐतिहासिक तामाको पाइप

जेठ २१, २०७७ बुधबार १६:३२:० | रासस

पाल्पा - तानसेनको अमरनारायण मन्दिर परिसरमा रहेको ठूलो पोखरीमा एतिहासिक तामाको पाइप भेटिएको छ ।

पोखरीको मर्मत गर्ने क्रममा झन्डै २ सय १४ वर्ष पुरानो तामाको पाइप भेटिएको हो । करिब एक मिटर लम्बाइ र १० इन्चको मोटाइ रहेको तामाको पाइप भेटिएको पोखरी पुनःनिर्माण उपभोक्ता समितिका अध्यक्ष विनायक महर्जनले बताउनुभयो ।

पोखरीको पिँधमा सरसफाइ गर्ने क्रममा तामाको पाइपबाट पानी निकासी भइरहेको देखेपछि कामदारले आफूलाई जानकारी गराएको उहाँले बताउनुभयो ।

पोखरी मर्मत तथा १ सय ८ धारा जडानका लागि सरसफाइ गर्ने क्रममा भेटिएको ऐतिहासिक तामाको पाइपलाई अमरनारायण युवा क्लबले सुरक्षित राखेको स्थानीयवासी हिमालदत्त श्रेष्ठले बताउनुभयो ।

पोखरीमा फेला परेको तामाको धातु पाल्पा तानसेनको ऐतिहासिक सङ्ग्रहालयमा राखिने भएको छ । तानसेन नगरपालिकाका नगर प्रमुख अशोककुमार शाहीले पोखरीमा फेला परेको ऐतिहासिक वस्तु पाल्पा दरबार सङ्ग्रहालयमा राख्नेगरी हस्तान्तरण गर्न निर्देशन दिइसकेको बताउनुभयो ।

तामाको केही भागमात्र निकाल्न सफल भएपछि ठूलो मात्रामा जमिनमुनि तामाको पाइप हुनुपर्ने स्थानीयवासीको भनाइ छ । पोखरीको पानी तानसेन मिसन सडक खण्डको नारायणस्थान सडक नजिकैको खोल्सामा निकालिएको छ । पोखरीको पर्खालमा रहेको तामाको पाइपमात्र कामदारले निकालेका हुन् ।

काजी अमरसिंह थापाले विसं १८६३ मा कलात्मक अमरनारायणको मन्दिर र ठूलो पोखरी निर्माण गरेका थिए । त्यही समयमा नै मन्दिर परिसरको पोखरीको पानी निकाल्न तामाको पाइप बनाई पानी निकालेको हुन सक्ने अनुमान स्थानीय बासिन्दाको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्