जुम्ला : माइकिङ गरेर कोरोना रोकथामबारे जनचेतना फैलाउँदै सुरक्षाकर्मी र प्रशासनकाे टाेली

जेठ २२, २०७७ बिहीबार १४:३०:३७ | नेत्र शाही

जुम्ला - जिल्लास्तरीय सुरक्षा समितिले राजमार्ग क्षेत्रका क्वरेन्टीनको अनुगमनसहित कोरोना भाइरस रोकथाम विषयमा जनचेतना फैलाउन थालेका छन् ।

कडा सुरक्षा व्यवस्था गर्न पालिकाले अनुरोध गरेपछि सुरक्षा समितिले क्वरेन्टीनमा रहेकालाई १४ दिन सुरक्षित बस्न माइकमार्फत आह्वान गर्दै क्वरेन्टीनहरुको अवलोकन गरेको हो ।

क्वरेन्टीनको अनुगमन गरी तथा जनचेतना फैलाउने टोलीमा प्रमुख जिल्ला अधिकारी भूपेन्द्र थापा, प्रहरी नायब निरीक्षक लालबहादुर धामी, सशस्त्र प्रहरी उपरीक्षक गगन श्रेष्ठ, नेपाली सेनासहित सबै सुरक्षा निकायहरुको सहभागिता रहेकाे छ ।

जिल्लाको कर्णाली राजमार्ग क्षेत्रका तिला गाउँपालिकाको सरस्वती माध्यमिक विद्यालय कुडारी, सिता मा.वि रारालिही, तिला गाउँपालिकाको दुर्गा मा.वि लाम्रासहितका विद्यालयहरुमा अनुगमन गरेर सुरक्षाको अवस्था र व्यवस्थापनको विषयमा जानकारी लिइएको प्रमुख जिल्ला अधिकारी थापाले जानकारी दिनु भएको छ ।

यसैगरी सीता मा.वि रारालिहीमा सुरक्षाका लागि टोली पठाइएको सशस्त्र प्रहरी नायब उपरीक्षक गगन श्रेष्ठले जानकारी दिनुभयो । यसअघि पनि जिल्लाका विभिन्न क्षेत्रमा अनुगमन गरेको टोलीले तिला र तातोपानीमा क्वरेन्टीन राम्रो भएको बताएको छ ।

तिला गाउँपालिका अध्यक्ष रतननाथ योगीले भारतबाट आएकालाई एकीकृत क्वरेन्टीनमा र अरु शंका लागेकाहरुलाई वडामा व्यवस्थापन गरिएको जानकारी दिनुभयो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्