स्रोत नखुलेको २२ लाख रुपैयाँसहित एक जना पक्राउ

जेठ २२, २०७७ बिहीबार १९:४५:२८ | केसी लामिछाने

पर्सा – सशस्त्र प्रहरीले स्रोत नखुलेकाे २२ लाख ४८ हजार नेपाली रुपैयाँसहित एक जनालाई पक्राउ गरेको छ ।

प्रहरीले बाहुदरमाई नगरपालिका ५ भौराटार निवासी २० वर्षीय प्रकाश शाहलाई स्राेत नखुलेकाे रुपैयाँसहित पक्राउ गरेको हाे । पर्साको पश्चिमी दक्षिणी सीमावर्ती छिपहरमाई गाउँपालिकाको भिस्वाबाट ना ४३ प २८०२ नम्बरको मोटरसाइकलमा पैसा लिएर आउँदै गरेको अवस्थामा ती युवकलाई पक्राउ गरिएको सशस्त्र प्रहरी पर्साका उपरीक्षक दीपेन्द्र कुँवरले बताउनुभयो ।

सशस्त्र प्रहरीका निरीक्षक हरी पराजुलीको कमाण्डमा खटिएको गस्ती टोलीले शाहलाई पक्राउ गरेको हो। सशस्त्र प्रहरी बोर्डर आउट पोस्ट भिस्वाका सशस्त्र प्रहरी निरीक्षक हरिकुमार पराजुलीका अनुसार विशेष सूचनाको आधारमा बिहान साढे ९ बजेको समयमा चेक गर्दा मोटरसाइकलको ट्याङ्कीमा बनाइएको फल्स बटमभित्रबाट २२ लाख ४८ हजार रुपैयाँ बरामद भएको हो ।

पराजुलीले शाह र बरामद भएको रकम आवश्यक कारबाहीको लागि जिल्ला प्रहरी कार्यालय पर्सामा बुझाइएको बताउनुभयो । उनकाे साथबाट हजार, पाँच सय, सय र पचासका नोट बरामद भएकाे हाे ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केसी लामिछाने

केसी लामिछाने पर्साका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्