एकदिवसीय क्रिकेट : नेपाललाई अर्को चुनौती, भेषावकर भोलिको खेल नखेल्ने

साउन १७, २०७५ बिहीबार ७:४३:० | उज्यालो सहकर्मी

नेदरल्याण्ड्सविरुद्धको एकदिवसीय क्रिकेट सिरिज खेलिरहेको नेपाललाई अर्को चुनौती थपिएको छ । नेपालका अलराउण्डर शरद भेषावकर भोलीको खेल खेल्न नसक्ने भएका छन् ।

बुधबार भएको खेलमा फिल्डीङ गर्दा औलामा चोट लागेको थियो । त्यसैले गर्दा बुधबारको खेलमा पनि नेपाल दबाबमा परेको थियो । पहिलो एकदिवसीयमा नेपाल नेदरल्याण्ड्ससँग ५५ रनले पराजित भएको थियो । १९० रनको लक्ष्य पछ्याएको नेपाल १३४ रनमा समेटिएको थियो ।

नेपालका लागि उपकप्तान ज्ञानेन्द्र मल्लले अर्धशतकीय पारी खेल्दै उत्कृष्ट सुरुवात गराएका थिए । तर २१ रनको व्यक्तिगत स्कोरमा अनिल साह आउट भएपछि नेपालको पारी धरमराउन शुरु भएको थियो ।

दीपेन्द्र सिंह ऐरीले पारी सम्हाल्न खोजे पनि उनी ३३ रनमा पेभेलियन फर्किएका थिए । त्यसैगरी कप्तान पारस खड्काले बलिङमा उत्कृष्ट प्रदर्शन गरे पनि ब्याटिङ भने उनको चल्न सकेन । उनी १२ रनमा आउट भए । शक्ति गौचन ४ रन जोड्दै नट आउट रहे ।

चार जना ब्याट्सम्यानले खाता नै खोल्न सकेनन् । आरिफ शेख, सोमपाल कामी र बसन्त रेग्मी, करन केसी खाता नै नखोली आउट भए । सन्दीप लामिछानेले एक रन जोडेका थिए ।

फिल्डिङ गर्दा औंलामा चोट लागेका शरद भेषावकर अन्तिम नम्बरमा ब्याटिङमा आउनु पनि नेपालका लागि दूर्भाग्य नै बनेको थियो । उनी जम्मा ४ रनमा आउट भएपछि नेपालको पारि सकिएको थियो । भोलि शुक्रबार दोस्रो एकदिवसीय हुँदै छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्