चीनका ५ सहरमा हिमालय एअरलाइन्सका १४ वटा कार्गो उडान : साढे ८८ टन औषधि र उपकरण आयात

जेठ २६, २०७७ सोमबार १४:१९:५८ | उज्यालो सहकर्मी

काठमाण्डौ - हिमालय एअरलाइन्सले लकडाउनको अवधिमा १४ वटा अन्तर्राष्ट्रिय कार्गो उडान गरेको छ ।

हिमालय एअरलाइन्सले १४ कार्गो उडानबाट ८८ दशमलव ५ टन मेडिकल सामग्री नेपाल ल्याएको जनाएको छ । एअरलाइन्सले १४ मध्ये सबै उडान चीनमा गरेको हो । उसले चीनका ५ वटा सहर, ग्वान्झाउ, चाङ्सा, चोङकिङ, कुनमिङ र बेइजिङमा उडान भरेको हो ।

लकडाउनको अवधिमा अप्रिल २६ सम्म एउटा पनि कार्गो उडान नगरेको हिमालय एअरलाइन्सले त्यसपछि भने १४ वटा उडान गर्यो । २६ तारिखमा ग्वान्झाउको लागि पहिलो कार्गो उडान गरेको हिमालय एअरलाइन्सले, अप्रिल ३०, मे २, मे ५, मे १५, मे १७, मे २२, जुन २ र जुन ५ तारिखमा चाङमा उडान भरेको थियो ।

यस्तै मे ८ र ९ तारिखमा चोङकिङ, मे १० र २४ तारिखमा कुनमिङ तथा मे २८ तारिखमा बेइजिङ उडान भरेको छ । सबैजसो कार्गो उडानमा मेडिकल सामग्री आएको एअरलाइन्सले जनाएको छ । नेपाल–चीन संयुक्त उद्यमका रुपमा सन् २०१४ अगस्टमा स्थापित हिमालय एअरलाइन्ससँग अहिले चार वटा जहाज छन् ।

मे ३१, २०१६ मा कतारको दोहाको लागि पहिलो उडान भरेको हिमालय एअरलाइन्सले अहिले आबुधावी, दमाम, दोहा, ढाका, क्वालालम्पुर, बेइजिङ्ग, गुइयाडंङ, चाडंशा, शेन्जेङ्ग र छोड्ंछिडंमा उडान भर्दै आएको छ ।

साउदी अरेबिया र नेपाल जोड्ने हिमालय एयरलाइन्स एक मात्र नेपाली एअरलाइन्स हो । नेपाल एअरलाइन्सले चीनमा नियमित यात्रु उडान गर्न नसकेको अहिलेको अवस्थामा चीनमा उडान भर्नेपनि हिमालय एअरलाइन्स एक मात्र नेपाली एअरलाइन्स हो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्