बाजुराको क्वरेण्टीनमा ज्यान गुमाएका वृद्धको कोरोना रिपोर्ट नेगेटिभ

जेठ २६, २०७७ सोमबार १८:१५:५५ | निमेन्द्र शाही

बाजुरा - बाजुराको खप्तड छेडेदह गाउँपालिका वडा नम्बर -७ को क्वरेण्टीनमा ज्यान गुमाएका ६५ वर्षीय वृद्धको कोरोना परीक्षण रिपोर्ट नेगेटिभ आएको छ । जेठ १५ गते भारतबाट आएर क्वरेण्टीनमा बसेका वृद्धको शनिबार बिहान ज्यान गएको हो ।

मृतकसँगै रहेका २ जनाको पनि पीसीआर रिपोर्ट नेगेटिभ आएको स्वास्थ्य कार्यालय बाजुराका प्रमुख दयाकृष्ण पन्तले बताउनुभयो । मृतकको स्वाब सङ्कलन गरेर कोरोना परीक्षणका लागि सेती प्रादेशिक अस्पताल धनगढी पठाइएको थियो । शुक्रबार साँझदेखि खाना नखाएका र राति एकाएक बिरामी भएका उनको शनिबार ज्यान गएको वडा न ७ का अध्यक्ष खगेन्द्र रावतले बताउनुभयो ।

गाउँमै रहेको मष्टा आधारभूत विद्यालय बुढाबाडाको क्वरेण्टीनमा बसेका मृतक २५ वर्षदेखि भारतमा बस्दै आएका वडा अध्यक्ष रावतले जानकारी दिनुभयो ।

‘उनी पहिलेदेखि दमका बिरामी थिए । क्वरेण्टीनमा रहँदा उनलाई एकाएक श्वास फेर्न गाह्रो भएको थियो । तर, उनको उपचार गर्ने कोही भएन । उपचारबिना उनले क्वरेण्टीनमै ज्यान गुमाउनु परेको छ,’ क्वरेण्टीनमा बसेको एक जनाले भने ।

मृतकको शव शनिबार नै व्यवस्थापन गरिएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

निमेन्द्र शाही

बाजुराका पत्रकार निमेन्द्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्