सोती घटना : फरार २ आरोपीसहित थप ३ जना पक्राउ

जेठ २९, २०७७ बिहीबार ११:४८:५७ | राजु लामिछाने

रुकुम पश्चिम – गएको जेठ १० गते रुकुम पश्चिमको चौरजहारी नगरपालिका ८ को सोतीमा ६ जनाको ज्यान जाने गरी भएको घटनाका फरार दुई आरोपीसहित थप तीन जना पक्राउ परेका छन् । योसँगै घटनामा संलग्न भएको आरोपमा पक्राउ पर्नेको सङ्ख्या २८ पुगेको छ ।

चौरजहारी ८ निवासी १९ वर्षीय घमण्ड मल्ल, १९ वर्षीय विष्णु मल्ल र २६ वर्षीय सर्वजित भनिने सविन पुनलाई बुधबार राति पक्राउ गरिएको रुकुम पश्चिम प्रहरीले जनाएको छ । पीडित परिवारले दिएको किटानी जाहेरीमा रहेका २० जनामध्ये घमण्ड र विष्णु यसअघि फरार रहेका थिए भने सविनलाई थप अनुसन्धानको लागि पक्राउ गरिएको जिल्ला प्रहरी कार्यालय रुकुम पश्चिमका प्रमुख, प्रहरी नायब उपरीक्षक (डीएसपी) ठगबहादुर केसीले जानकारी दिनुभयो ।

जाहेरी भित्रका १८ जना र अनुसन्धानबाट खुलेका थप सात जना गरी २५ जनालाई यसअघि नै रुकुम पश्चिम प्रहरीले पक्राउ गरी अनुसन्धान अघि बढाइसकेको छ । पछिल्लो पटक पक्राउ परेका तीन जनालाई आजै जिल्ला अदालतबाट म्याद थप गरी अनुसन्धान प्रक्रियाअघि बढाइने प्रहरीले जनाएको छ ।

चौरजहारी नगरपालिका ८ को सोतीकी १७ वर्षीया एक मल्ल थरकी किशोरीका प्रेमीसहित जाजरकोटबाट आएका युवा स्थानीयको आक्रमणमा परेका थिए । जसमा ६ जनाको ज्यान गएको छ । किशोरीका प्रेमी भनिएका जाजरकोटको भेरी नगरपालिका ४ का नवराज विकसहित अन्य पाँच जनाको शव भेरी नदीमा भेटिएको थियो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्