कोरोना सङ्क्रमितको स्वास्थ्यमा समस्या, थप उपचारको लागि पाटन अस्पताल पठाइयो

जेठ २९, २०७७ बिहीबार १६:१५:१ | दीपक भट्ट

रामेछाप - कोरोना सङ्क्रमण पुष्टि भएर जिल्ला अस्पताल रामेछापको आइसोलेशन वार्डमा उपचार गराइरहनु भएका एक जना सङ्क्रमितलाई पाटन स्वास्थ्य विज्ञान प्रतिष्ठान अस्पताल ललितपुर रिफर गरिएको छ ।

कोरोना सङ्क्रमितलाई उच्च ज्वरो आएको र अहिलेसम्म पनि ज्वरो नियन्त्रणमा नआएपछि जिल्ला अस्पताल रामेछापबाट पाटन अस्पताल रिफर गरिएको हो ।

केही दिनअघि भारतबाट रामेछाप आउनुभएका लिखु तामाकोशी गाउँपालिका ७ का २६ वर्षीय पुरुषको स्वास्थ्यमा सुधार नआएपछि थप उपचारको लागि पाटन अस्पताल पठाइएको जिल्ला अस्पताल रामेछापका प्रमुख डा. आनन्दप्रसाद आचार्यले जानकारी दिनुभयो ।

रामेछापको गोकुलगङ्गा गाउँपालिकाका ११ जना र लिखु तामाकोशी गाउँपालिकाका ६ जना गरी १७ जिल्ला अस्पतालको आइसोलेशन वार्डमा उपचाररत छन् ।

अहिले आइसोलेशन वार्डमा रहेका १६ जनाकै अवस्था सामान्य रहेको अस्पतालले जनाएको छ । उनीहरु सबै भारतबाट आएका हुन् ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दीपक भट्ट

दीपक भट्ट उज्यालोका रामेछाप सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्