नगरपालिकाले उपभोक्ताबाट डिजेल र पेट्रोलमा अतिरिक्त ५० पैसा कर लिने

साउन १७, २०७५ बिहीबार ११:४२:५३ | सुजता सुनुवार

इलाम – नगरपालिकाले उपभोक्ताबाट डिजेल र पेट्रोलमा अतिरिक्त ५० पैसा कर लिने भएको छ । जिल्लाको इलाम नगरपालिकाले प्रदूषण नियन्त्रण शुल्क भन्दै डिजेल र पेट्रोल खरिद गर्दा उपभोक्ताबाट अतिरिक्त ५० पैसा कर लिने भएको हो ।

नेपाल आयल निगमलाई पत्र लेखेर नगरपालिकाले सहयोग गरिदिन भनेर अनुरोध समेत गरेको छ ।

नगरपालिकाको आर्थिक व्यवस्थापन ऐन, २०७५ मा प्रतिलिटर एक रुपैयाँ इन्धनमा कर लिने व्यवस्था गरिएको भए पनि अहिलेलाई ५० पैसा मात्र उठाउने निर्णय गरिएको पत्रमा जनाइएको छ ।

गएको असार ३१ गते नगर प्रमुखको सचिवालयमा भएको छलफलबाट ५० पैसा प्रदुषण नियन्त्रण शुल्क लिने निर्णय भएको नगरपालिकाले जानकारी दिएको छ ।

नगरपालिकाको यस निर्णयप्रति नगरवासीले भने विरोध गरेका छन् । विरोध गर्दै नगरपालिकालाई कर मात्र बढाउने नभइ स्थानीयलाई सुविधा पनि दिन माग गर्दै आएका छन् ।

प्रदुषण नियन्त्रण शुल्क नगरपालिकाले लिँदा नगरबासी असन्तुष्ट हुनु पर्ने जरुरी नरहेको नगरपालिका प्रमुख महेश बस्नेतले बताउनुभयो । उहाँले भन्नुभयो ‘यो कर नगर विकास कै लागि हो ।’

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्