अब एनसेलका डेटा र भ्वाइस प्याकहरू विभिन्न माेबाइल वालेट तथा खुद्रा विक्रेताबाट पनि लिन सकिने

असार २, २०७७ मंगलबार ७:३५:१७ | उज्यालो सहकर्मी

काठमाण्डौ - एनसेलका ग्राहकहरूले अब अझै सजह रूपमा डिजिटल वालेटहरू र एनसेलका आधिकारिक खुद्रा विक्रेताबाट सिधै डेटा र भ्वाइस प्याकहरू लिन सक्ने भएका छन् ।

यसका लागि एनसेलले विभिन्न तीन मोबाइल वालेटहरूसँग साझेदारी गरेको छ भने आफ्ना खुद्रा विक्रेताहरूलाई पनि प्याकहरू बिक्री गर्न सक्ने सुविधा प्रदान गरेको छ ।

यसका लागि एनसेलले सहकार्य गरेका मोबाइल वालेटहरुमा खल्ती, प्रभु–पे र युनी–पे रहेकाले अब यी वालेटका प्रयोगकर्ताले आवश्यकता अनुसार सजिलै एनसेलका विभिन्न डेटा र भ्वाइस प्याकहरू किन्न सक्छन् ।

सुरुवाती चरणमा ग्राहकले यी वालेटमार्फत वालेटसँग जोडिएको बैंक खाताबाट विभिन्न ६ वटा डेटा प्याक र ६ वटा भ्वाइस प्याक लिन सक्नेछन् ।

त्यस्तै पहिले मोबाइलमा मेन ब्यालेन्स रिचार्ज गरी आफैँ प्याकहरु लिने प्रक्रियामा नगइ आवश्यकता अनुसार सिधै खुद्रा विक्रेतामार्फत प्याकहरु किन्न सकिने पनि कम्पनीले जनाएको छ ।

एनसेलका आधिकारिक खुद्रा विक्रेता, खल्ती, प्रभु–पे र युनी–पे मार्फत करसहित ९८.९९ रुपैयाँमा २,१०० एमबी डेटा किन्न सकिन्छ भने यसलाई प्रत्येक दिन ३०० एमबीका हिसाबले ७ दिनसम्म चलाउन सकिनेछ ।

त्यस्तै करसहित ४९८.८३ रुपैयाँमा १५,००० एमबी लिन सकिन्छ । यो प्याकमा ग्राहकले दैनिक ५०० एमबी डेटा ३० दिनसम्म पाउँछन् । यसैगरी ९९८.९७ रुपैयाँमा ३६,००० एमबी लिन सक्छन् । यस प्याकअन्तर्गत ग्राहकहरूले दैनिक रूपमा १२०० एमबी ३० दिन पाउँछन् ।

प्याकअन्तर्गत उपलब्ध हुने डेटा भोलुम सकिए पनि प्याकको समयावधि बाँकी रहेसम्म मेन ब्यालेन्सबाट रकम नकाटिने कम्पनीले जनाएको छ ।

अन्तिम अपडेट: माघ २७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

dhama paudyal
June 16, 2020, 8:50 a.m.
म त एन सेल को सिमकार्ड चला यस्ता प्याक सित्तै दिन्छु भने पनि चलाउदिन । यो नेपाल लाई लुट्न नेता किनेर नपाल मा रजाइ गर्ने बिदेशी कंपनी एन्सेल चाहिन्न हामी लाई ।#GoBackNcell
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अब एनसेलका डेटा र भ्वाइस प्याकहरू विभिन्न माेबाइल वालेट तथा खुद्रा विक्रेताबाट पनि लिन सकिने

1 Comments

dhama paudyal

तपाईको प्रतिक्रिया

तपाईको प्रतिक्रिया