‘महिलालाई छुट्टै क्वरेण्टीनको व्यवस्था गरियोस्'

असार २, २०७७ मंगलबार १३:५१:५७ | रासस

काठमाण्डौ - राष्ट्रिय सभाका सांसदहरुले महिला स्वास्थ्यकर्मी, सुरक्षाकर्मी तथा कोरोना सङ्क्रमित महिलालाई छुट्टै क्वरेण्टीनमा राख्न माग गरेका छन् ।

सुदूरपश्चिमको कैलाली, लम्कीचुहा नगरपालिकाको शहीद स्मृति माध्यमिक विद्यालयको क्वरेण्टीनमा भएको बलात्कारको घटनाको विरोध गर्दै सांसदहरुले महिलाका लागि छुट्टै क्वरेण्टीनकाे व्यवस्था गर्न आग्रह गरेका हुन् ।

राष्ट्रिय सभाको आजको बैठकको शून्य समयमा नेपाल कम्युनिष्ट पार्टी (नेकपा) की दिलकुमारी रावल थापा (पार्वती)ले क्वरेण्टीनमा रहेकी महिलामाथि भएको सामूहिक बलात्कारको घोर निन्दा गर्दै दोषीमाथि कडा कारबाहीकाे माग गर्नुभयाे।

उहाँले भन्नुभयो, ‘महिला सङ्क्रमितको सङ्ख्या कम भएकाले महिला स्वास्थ्यकर्मी र सुरक्षाकर्मीसहित छुट्टै जिल्लागत क्वरेण्टीनकाे व्यवस्था गर्न र सुरक्षाको सुनिश्चितता गर्न माग गर्दछु ।’

नेकपाकै सांसद महेशकुमार महराले पनि बलात्कारमा संलग्न दोषीलाई हदैसम्मको कारबाही गर्नुपर्नेमा जोड दिनुभयो ।

नेकपाका मायाप्रसाद शर्माले जाजरकोटकाे नरगाढा नगरपालिका बस्ने वीरबहादुर कामीको यही जेठ १५ गते रोजगारीको सिलसिलामा मलेसियामा ज्यान गएको बताउँदै मृतकको शव नेपालसम्म ल्याउन सरकारको ध्यानाकर्षण गराउनुभयो ।

नेपाली कांग्रेसका प्रकाश पन्थले देशैभरी क्वरेण्टीनको अवस्था अत्यन्त कमजोर भएको बताउँदै कैलालीको क्वरेण्टीनमा भएको बलात्कारकाे घटना अत्यन्त निन्दनीय भएकाे बताउनु भयाे ।

उहाँले मापदण्ड विपरीत सञ्चालन गरिएका क्वरेण्टीन तत्काल व्यवस्थित गर्नुपर्ने माग पनि गर्नुभयो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्