नेपाल भलिबल संघले फ्रेन्चाइजी महिला भलिबल प्रतियोगिता गर्ने

साउन १७, २०७५ बिहीबार १८:२:३५ | उज्यालो सहकर्मी

काठमाडाैं - नेपाल भलिबल संघले पहिलो पटक फ्रेन्चाइजी महिला भलिबल प्रतियोगिता गर्ने भएको छ ।

संघले भारतको गैरसरकारी संस्था आधी आवादी फाउण्डेसनसँग सहकार्य गरेर महिला भलिबल लिग प्रतियोगिता संयुक्त रुपमा आयोजना गर्न लागेको हो ।

बिहीबार काठमाडौंमा आयोजित एक कार्यक्रममा नेपाल भलिबल संघका अध्यक्ष मनोरञ्जनरमण शर्मा र आधी आवादी फाउण्डेसनका सिइओ दिनेश कुमार सिंहबीच प्रतियोगिता आयोजना सम्बन्धी सम्झौता भयो ।

१० वर्षसम्म कायम हुने सम्झौता अनुसार प्रतियोगिता आयोजनाको सम्पूर्ण जिम्मेवारी आधीआवाधीको हुनेछ ।

यससँगै प्रतियोगिता सञ्चालनका लागि आधाआवाधीले प्रायोजक समेत आफैं खोज्नेछ । यस्तै नेपाल भलिबल संघलाई प्रत्येक वर्ष १५ लाख समेत प्रदान गर्नेछ ।

आज आयोजित कार्यक्रममा सिइओ सिंहले आठ लाखको चेक समेत हस्तान्तरण गरे ।

प्रतियोगिताको विजेताले ६ लाख पाउनेछन् भने दोस्रो हुनेले ३ लाख र तेस्रो हुनेले एक लाख ५० हजार हात पार्नेछन् ।

यो रकम नेपाल नेपालकै सर्वाधि पुरस्कार राशी समेत हो ।

यस्तै प्रतियोगिताको उत्कृष्ट खेलाडीले एक थान टिभीएस स्कुटर र नगद ५० हजार जित्नेछ ।

प्रतियोगितामा तीन विभागीय टिमसहित ६ टिमको सहभागिता रहनेछ । विभागीय बाहेक बाँकीलाई फ्रेन्चाइजी टिमको संरचनामा लगिनेछ ।

नेपाल पुलिस क्लब, नेपाल एपीएफ क्लब र त्रिभुवन आर्मी क्लबसँगै चितवन टाइग्रेस, काठमाडौं क्वीन्स र पोखरा पिन्केजले प्रतियोगिता खेल्नेछन् ।

विभागीय बाहेक तीन टिमका लागि मालिकको खोजी भइरहेको नेपाल भलिबल संघका महासचिव जितेन्द्र बहादुर चन्दले जानकारी दिए ।

टिमका मालिकले खेलाडी अनुबन्ध गर्नेदेखि उनीहरुको पारिश्रमिक, खानपिन र बसोबासको समेत व्यवस्था गर्नुपर्नेछ ।

प्रत्येक टिमलाई आयोजकले तयारीका लागि एक लाख ५० हजार दिने पनि बताइएको छ ।

आगामी अक्टोबरको पहिलो साता हुने भनिएको प्रतियोगिताको मिति भने केही समयमा तय हुने नेपाल भलिबल संघका महासचिव जिनेन्द्र बहादुर चन्दले जानकारी दिए ।
फाउण्डेसनका सिइओ सिंहले प्रतियोगिता संचालन गर्नका लागि आवस्यक पूर्वाधारको व्यवस्था समेत गरिदिने जानकारी दिए । फाउण्डेसनले रेफ्री स्ट्याण्ड, पोल कभर र अपुग भलिबल म्याच पनि ब्यवस्था गर्नेछ ।

आधाआवाधीका नेपाल संयोजक सुर्य गुरुङले राष्ट्रिय खेलकुद परिषद्को कवर्डहलको समेत मर्मत सम्हार गर्ने बताए ।

कार्यक्रममा नेपाल भलिबल संघका पदाधिरी, आधाआवाधी फाउण्डेसनका पदाधिकारी, भलिबल खेलाडी, प्रशिक्षक, रेफ्री लगायतको सहभागिता थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्