पहिलो खेलको खराब नतिजा बिर्सिएर जित हात पर्ने लक्ष्यमा नेपाल

साउन १८, २०७५ शुक्रबार ६:४४:० | उज्यालो सहकर्मी

काठमाडाैं – एकदिवसीय मान्यता पाएपछि शुक्रबार नेपालले दोस्रो अन्तर्राष्ट्रिय एकदिवसीय खेल खेल्दैछ । पहिलो खेलमा हात पारेको खराब नतिजा बिर्सिएर नेपाल पहिलो जित हात पर्ने लक्ष्यमा छ ।

पहिलो खेलमा उत्रिएका खेलाडीको स्थानमा केही परिवर्तन समेत हुनेछ । पहिलो खेलमा नेदरल्याण्डससँग ५५ रनले पराजित भएको नेपाल दोस्रो अभ्यास खेलमा जितका लागि मैदानमा उत्रनेछ ।

पहिलो खेलमा बलिङमा राम्रो खेले पनि ब्याटिङमा राम्रो प्रदर्शन गरेको नेपाली टिमले दोस्रो खेलमा त्यसलाई सुधार्ने पक्षमा छ । नेदरल्याण्डका कप्तानले पनि नेपाली टिम राम्रो भएपनि पहिलो खेलमा भाग्यले जितेको धारणा व्यक्त गरेका थिए ।

नेपालका लिग कप्तान पारस खड्काको प्रदर्शनमा भर परेकाले पनि नेपाली टिम हार्न पुगेको हो । भरपर्दा खेलाडी शरद भेषावकरको औंलामा चोट लागेपछि ब्याटिङ्मा क्रिजमा आउनकै लागि भए पनि मैदान प्रवेश गरेका थिए ।

औंलाको इन्ज्युरीका कारण शरदले आजको खेल गुमाउनेछन् ।

आजको खेलमा बलर शक्ति गौचन पनि टिममा हुने छैनन । संभवत भोली रोहितकुमार पौडेल र सुवास खकुरेल खेल्ने सम्भावना छ । नेपालले जित हात पारेमा दुई खेलको श्रृखंला बराबरी गर्ने राम्रो मौका हुनेछ ।

पहिलो खेलमा टिममा भएका कमिकमजोरीलाई हटाउदै जित्नेपर्ने दबावमा नेपाल छ । पहिलो अन्तराष्टिय शृंखलामा जित निकालेर आईसीसीको बरियताको औपचारिक ढोका खेल्ने बाटो नेपाललाई पनि हुनेछ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्