साेती घटना : वडाध्यक्षसहित २३ जनालाई पुर्पक्षकाे लागि थुनामा पठाउन आदेश

असार १०, २०७७ बुधबार २०:९:६ | राजु लामिछाने

रुकुम पश्चिम – रुकुम पश्चिमको सोती घटनाका आरोपीमध्ये वडाध्यक्षसहित २३ जनालाई अदालतले पुर्पक्षकाे लागि थुनामा पठाएको छ ।

आज थुनछेक बहस सकिएपछि वडाध्यक्ष डम्बरबहादुर मल्लसहित २३ जनालाई पुर्पक्षकाे लागि कारागारमा पठाउन आदेश दिएको जिल्ला अदालत रुकुमले जनाएको छ । जिल्ला न्यायाधीश विद्याराज पाैडेलकाे इजलासले पुर्पक्षकाे लागि थुनामा पठाउन आदेश दिएकाे हाे ।

साेती घटनामा २९ जना पक्राउ परेकोमा अदालतले दुई जनालाई गएको साेमबार नै सुधार गृहमा पठाउन आदेश दिएको थियो भने तीन जनालाई तारेखमा र एक जनालाई एक लाख रुपैयाँ धरौटीमा छाड्न आदेश दिएको छ । घटनामा ३४ जनाविरुद्ध किटानी जाहेरी परेकोमा पाँच जना फरार रहेका छन् ।

गएकाे जेठ १० गते शनिबार प्रेमिकालाई बिहे गरेर लैजान भन्दै जाजरकोटबाट आएका युवामाथि गाउँलेले आक्रमण गरेका थिए । त्यही क्रममा जाजरकोट भेरी नगरपालिकाका नवराज विक, गणेश बुढा मगर, सञ्जु विक, लोकेन्द्र सुनार, गोविन्द शाही र रुकुम पश्चिम चौरजहारी नगरपालिकाका टीकाराम नेपालीको ज्यान गएको थियो । ६ जनाकै शव भेरी नदीमा भेटिएको थियो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्