दाङ : नेपाली नागरिकता लिने भारतीयविरुद्ध मुद्दा दर्ता

असार १२, २०७७ शुक्रबार १७:१६:३७ | हेमराज शर्मा

दाङ – गलत विवरण पेस गरेर दाङमा एक जना भारतीय नागरिकले जिल्ला प्रशासन कार्यालय दाङबाट वंशजको नागरिकता प्राप्त गरेको अभियोगमा अदालतमा मुद्दा दर्ता भएको छ । नागरिकता लिएको डेढ वर्षपछि याे रहस्य खुलेको हो ।

नेपाली नागरिकता लिने भारतको उत्तर प्रदेश बलरामपुर जिल्लाका श्रीदत्तगञ्ज उत्रौला घर भएका २५ वर्षीय विशाल गुप्ता पटवाल अहिले पुर्पक्षको लागि कारागार चलान भएका छन् । २०७७ जेठ १३ गते उनलाई जिल्ला प्रहरी कार्यालयको टोलीले पक्राउ गरेको थियो ।

असार ८ गते गुप्तालाई जिल्ला अदालतले पुर्पक्षको लागि कारागार चलान गरेको हाे । भारतीय नागरिक गुप्ताले मितबहादुर दमाईको नामबाट २०७५ मङ्सिर २५ गते ५२–०१–०७५–०४०५२ वंशजको नागरिकता प्राप्त गरेका थिए ।

उनले घोराही उपमहानगरपालिका ३ वर्गदा निवासी हिरालाल दमाईको छोरा बनेर नागरिकता लिएको पाइएको छ । गुप्ताबाट भारतीय विशिष्ट पहिचान प्राधिकरणले जारी गरेको कार्डसमेत फेला परेको जिल्ला प्रहरी कार्यालय दाङका प्रहरी नायब उपरीक्षक (डीएसपी) सुमित खड्काले जानकारी दिनुभयो ।

हिरालाल अहिले भारतमा छन्, उनले गुप्तालाई आफ्नो छोरा बनाएर नागरिकता दिलाएका थिए । प्रहरीले हिरालाल दमाईसहित घोराही उपमहानगरपालिका ३ का वडाध्यक्ष माधव चौधरी, वडा सचिव पद्मप्रसाद रेग्मी, कर्मचारी त्रिपुरा खड्का र सामाजिक परिचालक लिला अधिकारीविरुद्ध मुद्दा दर्ता गरेको छ ।

नागरिकता लिने विशाल गुप्ताबाहेक अन्य पाँचै जना फरारको सूचीमा छन् । आरोपित विशालले आफू भारतीय नागरिक भएको र गलत विवरण पेस गरेर नागरिकता लिएको प्रहरीसमक्ष बयान दिएका छन् । घोराही उपमहानगरपालिका ३ को सिफारिसको आधारमा नागरिकता प्राप्त गरेका थिए । उनले बङ्गलाचुली गाउँपालिका ३ बाट बसाइसराइ विवरण पेस गरेर सिफारिस बनाएका थिए ।

घोराहीमा मजदुरी गर्दै आएका विशालले चार वर्षअघि सम्झना नेपालीसँग बिहे गरेका थिए । बिहेपछि एउटा बच्चा जन्मियो । अनि बच्चाको जन्म दर्ता गराउन र आफ्नो विवाह दर्ता गराउन खोज्दा नभएपछि सम्झनाले मित मामा नाता पर्ने हिरालाल नेपालीलाई जसरी पनि नागरिकता बनाइदिन अनुरोध गरिन् । अनि हिरालाले गुप्तालाई आफ्नो छोरा बनाएर नागरिकता दिलाइ दिए ।

अन्तिम अपडेट: मंसिर ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्