कास्कीको चौरा फाँटमा असार १५ को रौनक (फोटो फिचर)

असार १५, २०७७ सोमबार २०:२८:४९ | सुमन गुरुङ

कास्की – आज असार १५, राष्ट्रिय धान दिवस तथा दही चिउरा खाने दिन ।

‘धान उत्पादनमा वृद्धि, आत्मनिर्भरता र समृद्धि’ भन्ने मूल नाराका साथ १७ औँ राष्ट्रिय धान दिवस तथा रोपाइँ महोत्सव गरिएकाे छ । आजका दिन असारे भाकामा लोकदोहोरी गाउँदै छुपुछुपु हिलोमा धान रोपिन्छ । कामको चटारोले थकित भएका किसान शक्ति प्राप्तिका लागि दही चिउरा खान्छन् ।

पर्यटकीय नगरी पोखरामा बर्सेनि हुँदै आएको असारे रोपाइँ महोत्सव कोरोना भाइरस महामारीको कारण यो वर्ष भएन । विगतको वर्षमा विदेशी पर्यटकलाई लक्षित गरी आयोजना हुने रोपाइँ महोत्सव यो वर्ष नभए पनि कृषि कर्म भने रोकिएको छैन । पोखरालगायत आसपासको क्षेत्रमा धमाधम रोपाइँको काम भइरहेकाे छ । किसानमा कोरोनाको त्राससँगै कृषिमा उमङ्ग छुट्टै छ । कास्कीको ग्रामीण भेगमा पनि धमाधम रोपाइँ भइरहेकाे छ ।

राष्ट्रिय धान दिवस भएको कारण विगतको भन्दा फरक रुपमा कास्कीको माछापुच्छ्रे गाँउपालिका २ चौरा फाँटमा असार १५ भिन्नै तरिकाले मनाइएको छ । चौरामा रहेको सयपत्री युवा क्लबको आयोजनामा असार १५ मेला गरिएकाे हाे ।

मेलामा रोपाइँसहित विभिन्न प्रतियोगिता गरी दही चिउरा खाएर मनाइएको छ । मेलामा हिलोमा दौड प्रतियोगिता, धान रोपाइँ प्रतियोगिता र हिलोमा रस्साकस्सी प्रतियोगिता गरिएको मेला संयोजक गुञ्जमान गुरुङले जानकारी दिनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन गुरुङ

कास्कीका उज्यालो सहकर्मी सुमन गुरुङ रेडियाे तरङ्गमा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्