किर्ते गरेको आरोपमा वडा सचिवसहित तीन जना पक्राउ

असार २२, २०७७ सोमबार २१:३३:१३ | हेमराज शर्मा

दाङ - किर्ते गरेको आरोपमा प्रहरीले दुई जना वडा सचिवसहित तीन जनालाई सोमबार पक्राउ गरेको छ ।

पक्राउ पर्नेहरुमा घोराही उपमहानगरपालिका १ का वडा सचिव ५५ वर्षीय धनबहादुर केसी, १३ का वडा कार्यालयका तत्कालीन सचिव ५४ वर्षीय लिलाजित नेपाली र त्यही वडाका ४९ वर्षीय हुकुमबहादुर जिसी रहेको जिल्ला प्रहरी कार्यालय दाङले जनाएको छ ।

जबर्जस्ती करणी घटनाका पीडित पक्षका एक किशोरीको जन्ममितिमा किर्ते गरी सच्याएको आरोपमा उनीहरुलाई पक्राउ गरिएको प्रवक्ता सुमित खड्काले जानकारी दिनुभयो ।

जबर्जस्ती करणी मुद्दाका अभियुक्त मणिकुमार पुनलाई बढी सजाय गराउने मनसायले पीडित किशोरीको जन्ममिति २०५९/१०/१२ भएकोमा दुई वर्ष उमेर घटाइ २०६१/१०/१२ बनाएको पाइएको छ ।

उनीहरुविरुद्ध मुलुकी अपराध संहिता २०७४ परिच्छेद २५ दफा २७६ (किर्ते गर्न नहुने) शीर्षकमा मुद्दा दर्ता गरी, जिल्ला अदालतबाट १० दिनको म्याद थप गरी अनुसन्धान भइरहेको प्रहरीले बताएको छ ।

पीडित पक्षले किशोरीको उमेर घटाएको भन्दै पीडक पक्षले अदालतमा उजुरी दिएपछि यस्तो रहस्य खुलेको हो ।

अन्तिम अपडेट: पुस ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्