इंल्याण्डसामु भारत निरिह, ५३ रन जोड्न ५ विकेट गुमाएपछि पहिलो टेष्टमा पराजित

साउन १९, २०७५ शनिबार १७:५५:१७ | उज्यालो सहकर्मी

भारतसँगको पहिलो टेस्ट क्रिकेट इंग्ल्याण्डले ३१ रनले जितेको छ ।

१ सय ९४ रनको लक्ष्य पाएको भारत १ सय ६२ रनमा अलआउट भएपछि इंग्ल्याण्डले खेल जितेको हो ।

जितसँगै ५ खेलको सिरिजमा इंग्ल्याण्डले १–० को अग्रता लिएको छ ।

५ विकेट गुमाएको अवस्थाबाट चौथो दिनको खेल थालेको भारतलाई जितका लागि थप ८४ रन आवश्यक थियो, तर भारतका ५ जना खेलाडी ५३ रन थप्दै आउट भए ।

भारतका कप्तान विराट कोहलीले ५१ र हार्दिक पाण्ड्याले ३१ रन बनाउनुबाहेक अरुले राम्रो ब्याटिङ्ग गर्न सकेनन् ।

इंग्ल्याण्डका बेन स्टोक्सले ४ तथा स्टुअार्ट ब्रोड र जेम्स एन्डरसनले समान २-२ विकेट लिए ।

पहिलो पारिमा १३ रनको अग्रता लिएको इंग्ल्याण्डले दोश्रो पारिमा १ सय ८० रन मात्र बनाउन सकेपछि भारतले १ सय ९४ रनको सामान्य लक्ष पाएको थियो ।

दोश्रो पारिमा भारतका इशान्त शर्माले ५, रविचन्द्रन आश्विनले ३ र उमेश यादवले २ विकेट लिएपछि इंग्ल्याण्डले १ सय ८० रन मात्र बनाउन सक्यो ।

इंग्ल्याण्डका साम क्युर्रानले सबैभन्दा धेरै ६३ रन बनाए ।

दोस्रो टेस्ट आउँदो बुधबार लण्डनमा हुनेछ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्