दलित बस्तीका ३० आमालाई मार्सी चामलसहित कोसेली

असार ३०, २०७७ मंगलबार १०:३०:४० | नेत्र शाही

जुम्ला – चन्दननाथ नगरपालिकाले दलित बस्तीका ३० आमा र उनीहरुका ३० बालबालिकालाई पोषणयुक्त खानेकुरा वितरण गरेको छ ।

सुनौला हजार दिनलाई मध्यनजर गर्दै नगरपालिकाले बहुक्षेत्रीय पोषण कार्यक्रम अन्तर्गत पोषणयुक्त सामग्री उपलब्ध गराइएको नगर प्रमुख कान्तिका सेजुवालले बताउनुभयो । उहाँका अनुसार चन्दननाथ नगरपालिका वडा नं १ र ४ का आमा र बालबालिकालाई पोषणयुक्त सामग्री वितरण गरिएको हो ।

पाँच किलो स्थानीय मार्सी चामल, सिमीको दाल, तेल र एक क्यारेट अण्डा साथै साबुन तथा दन्तमञ्जन राखेर पोषण झोला तयार गरिएको थियो । दुई हजार पाँच सयभन्दा बढीको पोषण खाद्यान्न उपलब्ध गराइएको नगरपालिकाका स्वास्थ्य निरीक्षक क्षेत्रबहादुर महतले जानकारी दिनुभयो ।

यस्तै नगरपालिकाले पोषण खाना अपुग भएका बालबालिकाहरुको लागि भनेर यस्तै पौष्टिक आहार घरदैलोमै लिएर वितरण गर्ने गरेको पनि नगर प्रमुख सेजुवालले बताउनुभयो । पोषणयुक्त खाद्य सामग्री पाएपछि नगरपालिका–४, सिंगाचौर र कुलालबाडाका दलित बस्तीका आमाहरु खुसी भएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

नेत्र शाही

जुम्लामा बसेर पत्रकारिता गर्ने नेत्र शाही उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्