धादिङका विभिन्न ठाउँमा पहिराे खस्दा राजमार्ग बन्द, टिप्पर र गाडी बगायाे

साउन ५, २०७७ सोमबार २०:४५:५० | सिताराम अधिकारी

धादिङ – अविरल वर्षा र बाढीका कारण धादिङमा पृथ्वी राजमार्गकाे ठाउँठाउँमा सडक, यातायात र आवत जावत बन्द भएको छ ।

धादिङ र चितवनकाे सीमामा पर्ने मोवाखोलाको पुल बाढी र पहिरोले भत्काउँदा यातायात र आवत जावत नै बन्द भएको छ । बाढी र पहिराेले पुलको धादिङतर्फको खण्ड भत्किएको छ ।

इलाका प्रहरी कार्यालय गजुरीका प्रहरी नायब उपरीक्षक खगेन्द्रराज खड्काका अनुसार माैवाखोला नजिकैको ठाडो खोलाले तीन वटा टिप्पर पनि बगाएको छ । दुई वटा चार पाङ्ग्रे गाडी बगाएकाे छ । अहिले धादिङमा आधा दर्जनभन्दा बढी ठाउँमा पहिरो र सडकमाथिबाट खसेको लेदोका कारण राजमार्ग बन्द भएको छ ।

मलेखु, गजुरी बैरैनीमा सडक बन्द छ । त्यसैगरी धादिङकाे फुर्केखाेलामा सडक माथिबाट पहिराे र भेल खस्दा बजार क्षेत्रसमेत त्रसित बन्न पुगेकाे छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सिताराम अधिकारी

धादिङका पत्रकार सिताराम अधिकारी उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्