सेवाग्राहीको भिड बढेपछि लाइसेन्स वितरण कार्य स्थगित

साउन २०, २०७७ मंगलबार २१:६:३५ | रासस

काठमाण्डाै – काठमाण्डाै उपत्यकाका चारवटै यातायात व्यवस्था कार्यालयले चालक अनुमतिपत्र (लाइसेन्स) वितरण कार्य रोकेका छन् ।

सेवाग्राहीको अत्यधिक भिडका कारण कार्यालयले तत्कालका लागि सेवा स्थगित गरेको जनाएका हुन् । कोरोनाको जोखिम न्यूनीकरणका लागि सरकारले सामाजिक दुरी कायम गर्न भने पनि सेवाग्राहीको अत्यधिक भिडका कारण त्यो कायम हुन सकेको थिएन । कार्यालयले असारदेखि सेवा दिँदै आएकाेमा कार्यालयमा सेवाग्राहीको घुइँचो हुने गरेको थियो ।

कार्यालयमा अत्यधिक भिडका कारण खटिएका चार सुरक्षाकर्मीलाई पनि भिड नियन्त्रण गर्न गाह्राे भएको एकान्तकुनामा रहेको कार्यालयका प्रमुख डम्मरबहादुर कार्कीले बताउनुभयो । काठमाण्डाै उपत्यकामा सङ्क्रमण बढिरहेकाले एकान्तकुनासँगै जगाती, सुकेधारा र ठूलो भर्‍याङ गरी चारवटै कार्यालयले सेवा बन्द गरेकाे उहाँले बताउनुभयो ।

कार्यालयले नयाँ चालक अनुमतिपत्रका लागि परीक्षा लिने, अनुमतिपत्र वितरण र नवीकरण गर्दै आएको थियो । त्यसमध्ये कार्यालयले लकडाउनपछि नयाँ चालक अनुमतिपत्रका लागि परीक्षा लिएको छैन ।

अनुमतिपत्र नवीकरण भइरहे पनि वितरणको काम तत्कालका लागि रोकिएको हो । चालकले यसअघि जसरी नै अझै केही समयका लागि कार्यालयले दिएको राजस्व तिरेको कागजबाटै सवारी साधन चलाउनुपर्ने उहाँले बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सेवाग्राहीको भिड बढेपछि लाइसेन्स वितरण कार्य स्थगित

फाइल फाेटाे

तपाईको प्रतिक्रिया