स्वास्थ्यकर्मी, चाैकीदार र भान्सेलाई काेराेना सङ्क्रमण

साउन २०, २०७७ मंगलबार २०:२८:४४ | सीताराम ओझा

कैलाली – कैलारी गाउँपालिकाकाे क्वरेण्टीनमा कार्यरत एक जना स्वास्थ्यकर्मीसहित चौकीदार र भान्से कोरोना भाइरसबाट सङ्क्रमित भएका छन् । वडा नम्बर १ को हसुलियामा रहेकाे दीपेन्द्र माध्यमिक विद्यालयमा बनाइएको क्वरेण्टीनमा कार्यरत उनीहरुमा कोरोना सङ्क्रमण पुष्टि भएको गाउँपालिकाका स्वास्थ्य संयोजक वीरेन्द्र सापकोटाले जानकारी दिनुभयाे ।

स्वास्थ्यकर्मीसहित क्वरेण्टीनमा काम गर्ने व्यक्तिहरुमा कोरोना सङ्क्रमण पुष्टि भएपछि उनीहरुको सम्पर्कमा आएका कर्मचारी, परिवारका सदस्य र अन्य स्थानीयको पनि स्वाब परीक्षण गरिने जनाइएको छ । ‘सङ्क्रमितको कन्ट्याक्टमा आएका कर्मचारीसहित सबैकाे स्वाब सङ्कलन गरी परीक्षणका लागि पठाउँछौं’, सापकोटाले भन्नुभयाे ।

उहाँका अनुसार सङ्क्रमित पुष्टि भएका स्वास्थ्यकर्मी एक दिन घर पनि गएका छन् । यसैगरी उहाँको सम्पर्कमा केही स्थानीय व्यक्ति पनि आएका छन् । आइसोलेसनमा राखिएका सम्पूर्ण सङ्क्रमितलाई निको बनाएर घर पठाएपछि अन्त्यमा कर्मचारीमा कोरोना सङ्क्रमण पुष्टि भएको स्वास्थ्य संयोजक सापकोटाले बताउनुभयाे ।

‘हसुलियामा रहेकाे आइसोलेसनमा रहेका सङ्क्रमितलाई साेमबार मात्रै निको बनाएर घर पठाउने कार्य भएको थियो’, उहाँले भन्नुभयाे, ‘अरु सङ्क्रमितको रिपोर्ट निगेटिभ बनाउँदा बनाउँदै हाम्रै कर्मचारीको रिपोर्ट पोजेटिभ आयो ।’ सङ्क्रमण पुष्टि भएका स्वास्थ्यकर्मीसहित अन्यलाई हसुलियाको दीपेन्द्र माविकाे आइसोलेसनमा राखिएकाे सापकोटाले जनाउनुभयाे ।

कैलारी गाउँपालिकामा मङ्गलबार सात जनामा कोरोना सङ्क्रमण पुष्टि भएको छ । जसमध्ये चार जना सङ्क्रमितको ‘ट्राभल हिस्ट्री’ भने अन्यत्रबाट काम गरेर आएको रहेको छ । उनीहरु बैजपुरकाे क्वरेण्टीनमा थिए ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्