वीरगञ्जकाे गण्डक अस्पतालमा मृत्यु भएका वृद्धमा काेराेना पुष्टि

साउन २३, २०७७ शुक्रबार २०:२५:३५ | केसी लामिछाने

पर्सा – वीरगञ्जकाे नारायणी अस्थायी कोभिड विशेष गण्डक अस्पतालमा मृत्यु भएका वृद्धमा कोरोनाकाे सङ्क्रमण पुष्टि भएको छ ।

वीरगञ्ज महानगरपालिका ३ छपकैयाका ६५ वर्षीय वृद्धकाे गण्डकमा रहेकाे अस्थायी कोभिड अस्पतालमा उपचारकाे क्रममा शुक्रबार बिहान मृत्यु भएको हो ।

कोभिड अस्पतालमा उपचारका क्रममा शुक्रबार बिहान मृत्यु भएका ६५ वर्षीय पुरुषको शुक्रबार साँझ पीसीआर रिपोर्ट पोजेटिभ आएको कोभिड अस्पतालका डाक्टर उदयनारायण सिंहले जानकारी दिनुभयो ।

शुक्रबार बिहान मृत्यु भएपछि ती पुरुषको स्वाब सङ्कलन गरेर पीसीआर जाँचका लागि नारायणी अस्पतालमा पठाइएको थियो ।

केही दिनदेखि सामान्य ज्वरो र रुघाखोकी देखिएकाे उहाँमा बिहीबार श्वासप्रश्वासको पनि समस्या देखिएको थियो । बिहीबार दिउसो उहाँलाई वीरगञ्जकाे एडभान्स मेडिकेयर हस्पिटलमा भर्ना गरिएको थियो ।

आईसीयूमा राखेर उपचार गर्नुपर्ने अवस्था देखिएपछि चिकित्सकले अन्य अस्पतालमा रेफर गरेका थिए । एडभान्समा कार्यरत कर्मचारीहरुमा कोरोना सङ्क्रमण पाइएपछि इमर्जेन्सीबाहेक अन्य सेवा बन्द भएकोले आईसीयू सेवा अभाव भएको हो ।

एडभान्सबाट नेशनल मेडिकल कलेजमा लगिएकोमा अस्पतालले भर्ना गर्न नमानेपछि उहाँललाई गण्डक अस्पताल पुर्‍याइएको मृतकका आफन्तले बताएका छन् । नेशनलले उनलाई भर्ना गर्न नमानेपछि वीरगञ्ज ३ का वडाध्यक्ष वैजु स्वर्णकारको पहलमा गण्डक अस्पतालमा भर्ना गरिएको थियो ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केसी लामिछाने

केसी लामिछाने पर्साका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वीरगञ्जकाे गण्डक अस्पतालमा मृत्यु भएका वृद्धमा काेराेना पुष्टि

प्रतिकात्मक तस्बिर

तपाईको प्रतिक्रिया