रुकुम पश्चिमको खलङ्गामा निषेधाज्ञा

साउन २७, २०७७ मंगलबार १६:५५:१६ | राजु लामिछाने

रुकुम पश्चिम – रुकुम पश्चिमकाे सदरमुकाम मुसिकोट नगरपालिकाको खलङ्गा क्षेत्रमा निषेधाज्ञा जारी गरिएको छ । कोरोना सङ्क्रमणलाई नियन्त्रण गर्न भन्दै बुधबार बिहान ४ बजेदेखि भदौ २ गतेसम्म सदरमुकामको खलङ्गामा निषेधाज्ञा गरिएको हो ।

जिल्ला प्रशासन कार्यालय रुकुम पश्चिमले मङ्गलबार सार्वजनिक सूचना निकालेर सदरमुकामको खलङ्गा बजार क्षेत्रमा निषेधाज्ञा गरिएको जनाएको छ । जिल्ला स्वास्थ्य सेवा कार्यालय सल्लेदेखि खलङ्गा बजार हुँदै शीतलपोखरी चोकसम्म र पिपलनेटादेखि सेरीगाउँ हुँदै वडा नम्बर ६ को कार्यालयभित्रको क्षेत्र सिल गरिएको प्रमुख जिल्ला अधिकारी उपेन्द्रराज पौड्यालले जानकारी दिनुभयो ।

सङ्क्रामक रोग ऐन, २०२० को दफा २ र स्थानीय प्रशासन ऐन, २०२८ को दफा ६ (३) बमोजिम चार किल्ला उल्लेख गरी पूर्णतया निषेध (क्षेत्र सिल) गर्ने निर्णय भएको प्रशासनले जनाएको छ । सिल गरिएको क्षेत्रमा रहेका सबै होटल तथा पसल, सार्वजनिक तथा निजी यातायातका साथै पैदल यात्रामा समेत रोक लगाइएको छ । अत्यावश्यक कामका लागि पास भएका तथा बिरामी बोकेका एम्बुलेन्स मात्रै सञ्चालन गर्न प्रशासनले सबैलाई आग्रह गरेको छ ।

सिल गरिएको क्षेत्रमा अति आवश्यक सेवा भने सञ्चालन रहने छ । प्रशासनको निर्णय उल्लङ्घन गरे सङ्क्रामक रोग ऐन २०२० तथा स्थानीय प्रशासन ऐन २०२८ बमोजिम कारबाही गरिने प्रशासनले जनाएको छ । सदरमुकाम खलङ्गा बजारका एक व्यवसायीलाई सोमबार कोरोना सङ्‍क्रमण पुष्टि भएको थियो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

राजु लामिछाने

राजु लामिछाने रुकुमका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्