गहना किनेबापत नक्कली चेक दिएर भागेकी २९ वर्षीया महिला पक्राउ

 साउन २९, २०७७ बिहिबार १७:१७:१७ | उज्यालो सहकर्मी
unn.prixa.net

काठमाण्डौ – चार लाख ३६ हजार रुपैयाँ बराबरका सुनचाँदीका गहना किनेर पैसा नतिरी भाग्ने झापाकी शारदा मगरलाई महानगरीय अपराध महाशाखाको टोलीले पक्राउ गरेको छ ।

नयाँ बानेश्वरकी रमिता रञ्जित श्रेष्ठको उजुरीकाे आधारमा मगरलाई पक्राउ गरिएको महाशाखाका प्रहरी उपरीक्षक ईश्वर कार्कीले जानकारी दिनुभयो । उनले सिक्री, सुनको लकेट, बाला, सुन र हिराको औँठी लगायतका गरगहना बनाएको र एक सहकारी संस्थाको नक्कली चेक दिएर ठगेको प्रहरीले जनाएको छ ।

२९ वर्षीया शारदा मगरले अरु व्यक्तिलाई पनि ठगेको हुन सक्ने भएकाले ठगीमा परेकाहरुलाई उजुरी दिन पनि अपराध महाशाखाले अनुरोध गरेको छ । 

अन्तिम अपडेट: भदौ १९, २०७७

तपाईको प्रतिक्रिया