सर्लाहीको हरिवन नगरपालिका १५ दिनका लागि सिल

साउन ३०, २०७७ शुक्रबार १८:२५:३९ | रामबाबु खड्का

सर्लाही – समुदायस्तरमै कोरोना भाइरसको सङ्क्रमण फैलिएपछि सर्लाहीको हरिवन नगरपालिका सिल गरिएको छ । गएकाे साउन २६ गते चार सय ११ जनाको स्वाब परीक्षण गर्दा २२ जना स्थानीयमा कोरोना सङ्क्रमण पुष्टि भएपछि शुक्रबारदेखि १५ दिनका लागि नगर क्षेत्र पूर्णरुपले (सिल) बन्द गरिएको नगर प्रमुख गणेशप्रसाद प्रसाईंले जानकारी दिनुभयो ।

यसैबीच कोरोना सङ्क्रमितको सङ्ख्या बढेपछि लालबन्दी नगरपालिका भने गएकाे बुधबारदेखि नै सिल गरिएको छ । एक सय ८६ जनाको स्वाब सङ्कलन गरेर परीक्षण गर्दा वडाध्यक्षसहित पाँच जनामा कोरोना भाइरस पोजेटिभ भएको रिपोर्ट आएकाे थियाे । त्यसपछि फेरि सङ्क्रमितका परिवार तथा कन्ट्याक्ट ट्रेसिङको आधारमा परीक्षण गर्दा शुक्रबार १८ जना नयाँ सङ्क्रमित थपिएको नगर प्रमुख मानबहादुर खड्काले जानकारी दिनुभयो ।

हरिवन नगरपालिका र लालबन्दी नगरपालिकाले नगर क्षेत्रमा औषधि पसलबाहेक अरु पसल तथा निजी तथा सार्वजनिक यातायात पूर्णरुपले बन्द गर्ने जनाएको छ । सर्लाही अहिलेसम्म कोरोना भाइरस सङ्क्रमितको सङ्ख्या आठ सय ९९ पुगेको छ भने दुई जनाको ज्यान गएको छ ।

अन्तिम अपडेट: कात्तिक २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामबाबु खड्का

रामबाबु खड्का सर्लाहीका उज्यालो सहकर्मी हुन् ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्