नयाँ नक्साकाे अङ्ग्रेजी संस्करण स्वीकृत

साउन ३०, २०७७ शुक्रबार १८:५७:१८ | उज्यालो सहकर्मी

काठमाण्डाै – नेपालको नयाँ नक्साको अङ्ग्रेजी संस्करण स्वीकृत भएको छ । नापी विभागले तयार पारेको लिम्पियाधुरासहितको नक्साको अङ्ग्रेजी संस्करण भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले स्वीकृत गर्नुभएको नापी विभागका सूचना अधिकारी दामोदर ढकालले जानकारी दिनुभयो ।

सरकारले नेपालको राजनीतिक तथा प्रशासनिक संरचना समेटिएको नेपालको नयाँ नक्साको नेपाली संस्करण गएको जेठ ५ गतेको निर्णयअनुसार जेठ ८ गते मन्त्री अर्यालले सार्वजनिक गर्नुभएको थियो । अङ्ग्रेजी संस्करणको नक्सा प्रकाशन भएसँगै संयुक्त राष्ट्र सङ्घ, कुटनीतिक नियोगलगायत अन्तर्राष्ट्रिय क्षेत्रमा पठाउनका निम्ति बाटो खुलेको सूचना अधिकारी ढकालले बताउनुभयो ।

अब परराष्ट्र मन्त्रालयमार्फत अन्तर्राष्ट्रिय समुदायमा नक्सा पठाइने विभागले जनाएको छ ।

लिम्पियाधुराभन्दा झण्डै ५० कोश पूर्वमा रहेको कालापानी क्षेत्रमा समेत भारतले आफ्नो सुरक्षाकर्मी राखेको छ । त्यस क्षेत्रमा नेपालको ३९ हजार पाँच सय हेक्टर भूमि अतिक्रमणमा परेको सीमाविद्हरू बताउँछन् । नेपालले जारी गरेको नक्साको विरोध गरे पनि सीमा क्षेत्रको समस्या समाधान गर्न भारतले चासो देखाएको छैन ।

अन्तिम अपडेट: पुस १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Ramesh Prasad Bhattarai
Aug. 14, 2020, 7:23 p.m.
असल कार्यको सुरुवात।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नयाँ नक्साकाे अङ्ग्रेजी संस्करण स्वीकृत

1 Comments

Ramesh Prasad Bhattarai

तपाईको प्रतिक्रिया

तपाईको प्रतिक्रिया