इन्डो–नेपाल भलिबलमा आयोजक मदन भण्डारी स्पोर्ट्स एकेडेमीकाे पहिलाे जीत

पुष १९, २०८१ शुक्रबार १५:८:१ | उज्यालो सहकर्मी

काठमाण्डाै – इन्डो–नेपाल रनिङ शिल्ड पुरुष भलिबलमा आयोजक मदन भण्डारी स्पोर्ट्स एकेडेमीले रुकुम पश्चिम भलिबल प्रशिक्षण केन्द्रलाई हराएको छ ।

बुटवलको रामनगर खेलमैदानमा आज भएको पहिलो खेलमा मदन भण्डारीले स्पोर्ट्स एकेडेमीले रुकुम पश्चिम भलिबल प्रशिक्षण केन्द्रलाई ३–० को सोझो सेटमा हरायो । मदन भण्डारी स्पोर्ट्स एकेडेमीले पहिलो सेट २५–१९, दोस्रो सेट २५–१३ र तेस्रो सेट २५–२३ ले जित्यो ।

मदन भण्डारी स्पोर्ट्स एकेडेमी यसअघि अस्ति बुधवार भएको उद्धघाटन खेलमा नेपाल पुलिस क्लबसँग पराजित भएको थियो । यस्तै हिजोको खेलमा रुकुम पश्चिम पनि मणिमुकुन्द भलिबल क्लबसँग हारेको थियो ।

इन्डो–नेपाल रनिङ शिल्ड पुरुष भलिबलमा अहिले हिजो रोकिएको सशस्त्र प्रहरी बलको एपीएफ क्लब र गल्कोट भलिबल क्लबबीच खेल भइरहेको छ । आठ वटा टाेली सहभागी भएकाे प्रतियोगिता यही पुस २४ गते आउँदो बुधवारसम्म चल्नेछ ।

तस्वीर : नमस्ते सुर्खेत युट्युब च्यानलबाट

अन्तिम अपडेट: पुस २१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्