धनगढी उपमहानगरपालिकाले भन्यो, ‘क्वरेण्टीन सञ्चालन गर्न सक्दैनौँ’

भदौ ३, २०७७ बुधबार २०:३१:२० | सीताराम ओझा

कैलाली – धनगढी उपमहानगरपालिकाले क्वरेण्टीन सञ्चालन गर्न नसक्ने भन्दै बन्द गरेको छ । ५१ वटा विद्यालयमा क्वरेण्टीन सञ्चालन गर्दै आएको उपमहानगरपालिकाले विद्यालय सञ्चालनको तयारी भइरहेको जनाउँदै क्वरेण्टीन बन्द गरेको हो ।

उपमहानगरपालिकाका प्रवक्ता सन्तोष मुडभरीले अहिले सबै क्वरेण्टीन बन्द भएको जानकारी दिनुभयो । उहाँले विद्यालयमा क्वरेण्टीन सञ्चालन गर्न सक्ने अवस्था नरहेको भन्दै वैकल्पिक स्थानको खोजी भइरहेको बताउनुभयाे ।

धनगढी उपमहानगरपालिकाले क्वरेण्टीन सञ्चालन गर्न नसक्ने भन्दै जिल्ला प्रशासन कार्यालय कैलालीलाई पत्र पठाएको छ । विद्यालयहरु सञ्चालन हुने भएकाले क्वरेण्टीन सञ्चालन गर्न नसकिने भन्दै उपमहानगरपालिकाले गएकाे साउन ३२ गते प्रशासनलाई पत्र पठाएको हो ।

जिल्ला प्रशासन कार्यालयका सूचना अधिकारी शिवराज जोशीले पत्र प्राप्त भएकाे बताउँदै धनगढी उपमहानगरपालिका २ को नवदुर्गा माविले समेत होल्डिङ सेन्टर हटाउन आग्रह गर्दै पत्र पठाएको बताउनुभयो ।

‘होल्डिङ सेन्टर पनि हटाउनका लागि आग्रह गरिएको छ’, सूचना अधिकारी जोशीले भन्नुभयो, ‘जिल्ला सङ्कट व्यवस्थापन केन्द्रको बैठकले सरकारको निर्णय कार्यान्वयन गर्नका लागि एउटा अनुगमन समिति बनाएको छ । त्याे समितिले पाँच दिनभित्र होल्डिङ सेन्टरका लागि नयाँ स्थान खोज्ने समेत निर्णय भएको छ ।’

उहाँले अन्य पालिकाले पनि विद्यालयमा क्वरेण्टीन सञ्चालन गर्न नसक्ने बताएको जानकारी दिनुभयो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सीताराम ओझा

सीताराम ओझा कैलालीका उज्यालाे सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्