बाेक्सी आराेपमा कुटिएकी महिलाकाे पक्षबाट उजुरी अझै दर्ता हुन सकेन, पीडित बिरामी अवस्थामै

भदौ ९, २०७७ मंगलबार २०:१४:४१ | धनवीर महतो

महोत्तरी – महोत्तरीको सम्सी गाउँपालिकामा बोक्सीको आरोपमा कुटिएकी महिलाको उजुरी अझ दर्ता हुन सकेको छैन ।

घटना भएको पाँच दिन बितिसक्दा पनि पीडितको पक्षबाट उजुरी दर्ता हुन नसकेको जिल्ला प्रहरी कार्यालय महोत्तरीले जनाएको छ । प्रहरी कार्यालयमा उजुरी दर्ता हुन नसकेकै कारण मुद्दा प्रक्रिया अगाडि बढ्न सकेको छैन ।

घटनामा संलग्न हुनेलाई कानुनअनुसार कारबाही र पीडितलाई न्याय दिलाएर छाड्ने वडाध्यक्ष मदन यादवले बताए पनि अहिलेसम्म मुद्दा दर्ता हुन सकेको छैन । जनप्रतिनिधिले नै बोक्सीको आरोप लगाउँदै महिला कुटपिट गरेको भन्दै स्थानीयले विरोध गरेका छन् ।

अहिलेसम्म पीडितको पक्षबाट उजुरी नआएको महोत्तरीका प्रहरी नायब उपरीक्षक (डीएसपी) प्रकाश विष्टले बताउनुभयो । पीडित बिरामी अवस्थामा रहेकोले उजुरी दिन नसकेको उहाँले जानकारी दिनुभयो ।

कुटपिट घटनामा संलग्न रहेको आरोपमा कृष्ण यादवलाई जिल्ला प्रहरी कार्यालय महोत्तरीले नियन्त्रणमा लिइ थप अनुसन्धान गरिरहेको डीएसपी विष्टले बताउनुभयो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्