न्यूनतम साझा कार्यक्रम र सङ्कल्प प्रस्ताव ल्याउनु ठूलो कुरा होइन,...
चैत १५, २०८० बिहिबार
रुपन्देही – पूर्वाधार विकास कार्यालय बाँकेका प्रमुख मनिष अर्याल घुससहित पक्राउ परेका छन् ।
प्रदेश ५ अन्तर्गतकाे कार्यालयका प्रमुख अर्याल पाँच लाख ३० हजार घुस रकमसहित बुटवलकाे भौतिक पूर्वाधार विकास मन्त्रालयको गेटबाटै नियन्त्रणमा लिइएको अख्तियार दुरुपयोग कार्यालय बुटवलका प्रमुख डाक्टर भीष्मकुमार भुसालले जानकारी दिनुभयो ।
विभिन्न आयोजनाका निर्माण व्यवसायीबाट घुस लिएको रकमसहित नियन्त्रणमा लिइएको अख्तियार बुटवलले बताएको छ ।
प्रमुख अर्यालको ६६-१-०७६१ नम्बरको गाडीबाट पाँच लाख ३० हजार रुपैयाँ बरामद भएको हो । पक्राउ परेका अर्यालमाथि थप अनुसन्धान हुने अख्तियार प्रमुख भुसालले बताउनुभयो ।
रुपन्देहीका उज्यालो सहकर्मी भवानीप्रसाद पाण्डे बुटवल एफएममा पनि काम गर्नुहुन्छ ।