पाल्पाको निषेधाज्ञा शनिबारदेखि सकिंदै, अन्तर जिल्लामा कडाइ गरिने

भदौ १९, २०७७ शुक्रबार १७:२७:३१ | देव पचभैया

पाल्पा – पाल्पामा जारी निषेधाज्ञा शनिबारदेखि सकिने भएको छ ।

गएको ४ गते प्रमुख जिल्ला अधिकारीबाट जारी गरिएको निषेधाज्ञाको अवधि शुक्रबार राति १२ बजे सकिने भएपछि शुक्रबार सम्पन्न कोरोना सङ्क्रमण रोकथाम तथा नियन्त्रण जिल्ला समितिको बैठकले निषेधाज्ञा हटाउने निर्णय गरेको हो । बैठकले सीमा नाकामा कडाइ गरी जिल्लाभित्र निश्चित मापदण्ड पुरा गरी आन्तरिक गतिविधि खुला गर्ने निर्णय भएको छ ।

निषेधाज्ञा सकिए पनि सार्वजनिक यातायातका साधन भने सञ्चालन हुने छैनन् । पाँच सय ८९ कोरोना सङ्क्रमित रहेको पाल्पामा अहिले २४ जना सक्रिय सङ्क्रमित छन् । १९ जना कोरोना सङ्क्रमित आइसोलेशनमा रहेका र पीसीआर परीक्षणका लागि ५ सय बढीको स्वाब पठाए पनि नतिजा नआएको स्वास्थ्य कार्यालय, पाल्पाले जनाएको छ ।

सङ्क्रमितमध्ये ५ सय ६१ जना निको भएर घर फर्किएका छन् । कोरोना सङ्क्रमणबाट पाल्पामा २ जनाको ज्यान गएको छ ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

देव पचभैया

पाल्पाका उज्यालो सहकर्मी देव पचभैया श्रीनगर एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्